Hvað gengur Sigmundi til - er hann ekki formaður Framsóknar ?

Kjör­dag­ur í haust er ekki einka­mál rík­is­stjórn­ar­inn­ar. Það er með öllu óþolandi að starfs­stjórn Sig­urður Inga Jó­hann­es­son­ar hafi ekki tekið af all­an vafa og sett niður dag­setn­ingu fyr­ir þing­kosn­ing­ar líkt og boðað var 5. apríl. Síðan eru liðnar sjö vik­ur.

_________________

Ekkert hefur heyrst af kjördegi enn sem komið er og undarlegt að það skuli ekki vera afgreitt.

Nú sprettur formaður Framóknarflokksins upp og kemur með enn eina furðuyfirlýsinguna einmitt í sínum gamla anda.

Ekkert nýtt að hann tali á skjön við flesta, líka eigin flokksmenn.

Hann gefur þá yfirlýsingu að ekkert liggi á kosningum og það er á honum að skilja að hann vilji ekki kjósa í haust.

Það voru dálítið vandræðaleg svör stjórnarherranna þegar þeir voru spurðir um þessa yfirlýsingu, sérstaklega var Sigurður Ingi lúpulegur.

Auðvitað á að kjósa í haust, og auðvitað styður hann SDG sem formann flokksins.   Reyndar er það furðulegt hvað þingmenn Framsóknar eru undirgefnir formanni sem hefur stórskaðað Framsóknarflokkinn og ríkisstjórnina en hvað með það.

Skrítnar yfirlýsingar í sömu setningunni nánast SIJ.

Auðvitað vill SDG ekki kosningar í haust. Fyrirséð er fylgishrun Framsóknar og hætt við að valdatíð SDG sé lokið því varla þorir flokkurinn í kosningar með SDG sem formann.  Væntalega halda þeir þing í haust og skipta um formann því það er þeirra eina von um þokkalega niðurstöðu úr kosningum.

SDG vill kjósa í vor því þá hangir hann lengur á formannsembættinu og kannski gæti landið risið eitthvað hjá flokknum.

En BB er einarður, Sjálfstæðisflokkurinn hefur heldur verið að rísa þrátt fyrir aflandhneyksli og aðrar uppákomur.

Þeir formenn eru sannarlega ósammála núna og kannski sprengir SDG ríkisstjórnina til að fá athygli og von um aukið fylgi.

Hann er í það minnsta farinn að tala út og suður á ný eftir gott hlé.

 

Kjördagur ekki einkamál ríkisstjórnarinnar

Athugasemdir

[Agla, 24.5.2016 kl. 11:30]

Ef SDG heldur sig ómissandi fyrir Framsóknarflokkinn og Framsóknarflokkinn ómissandi fyrir Ríkisstjórn Íslands, þá finnst mér vitglóra í því, frá hans bæjardyrum séð, að fresta þingkosningunum eins lengi og hægt er.

Trúlega hefur hann allskonar ráðgjafa innan handar og ég er bara kona úti í bæ en ég vorkenni aumingja manninum og myndi ráðleggja honum  að láta lítið fyrir sér fara í fjölmiðlum í nokkra mánuði, blogga sem minnst, bæta við ensku kunnáttuna og kaupa sér einkatíma hjá kunnáttumanni í sjónvarpsviðtölum. 

                                                                           Ég er búin að marg horfa á viðtalið fræga og fleiri sjónvarps viðtöl við hann og sé ekki betur en hann sé í vandræðum með hvert hann eigi að horfa í sjónvarpsviðtölum og finnst augnaráð hans fyrir bragið svolítið flóttalegt á stundum.