Aumasta ríkisstjórn allra tíma ?

Ekkert frumvarp frá ríkisstjórninni bíður þess nú að vera tekið til umræðu á Alþingi. Ríkisstjórnin hefur lagt fram 52 frumvörp á yfirstandandi þingi. Það eru mun færri mál en hin tvö þingin sem ríkisstjórnin hefur verið við völd. Það er einnig mun færri frumvörp en nokkur ríkisstjórn síðustu tuttugu árin hefur verið búin að leggja fram á þessum tíma. Þess ber einnig að geta að lengst af á þessum tíma kom þing ekki saman fyrr en í byrjun október, en frá árinu 2012 hefur það hafist í byrjun september.

( Kjarninn )

Í Kjarnanum er fjalla um verkleysi núverandi ríkisstjórnar.

Fá frumvörp og stuttur viðverutími þingsins vekur athygli.

Forsætisráðherrann hefur aðallega áhuga á miðbæ Reykjavíkur þrátt fyrir að hann búi í Garðabæ og eigi lögheimili á eyðibýli fyrir austan.

Verkstjórnarhæfileikar hans eru engir og skiljanlegt að hann reyni að dreifa athygli landsmanna frá þeirri staðreynd.

En tölurnar ljúga ekki.

Núverandi ríkisstjórn er sú daufasta og verklausasta í mjög lengi.

Ekki er hægt að hrósa stjórnarandstöðunni fyrir dugnað, þar virðist andleysi svífa yfir vötnunum.

Sennilega er landið langt í það að vera stjórnlaust, slík er deyfðin og drunginn á þingi.