Hálkuvarnir á Akureyri - hvað er best ?

Nokkur umræða hefur skapast um hálkuvarnir á Akureyri.

Óneitanlega hefur ástandið verið slæmt í bænum undanfarna tvo mánuði, bæði vegna hálku og sérstaklega snjóþyngsla.

Bærinn hefur verið gagnrýndur fyrir slaka frammistöðu í snjómokstri, hvort sem það er sanngjarnt eða ekki.

Svo er það hálkan.

Núverandi aðferð hefur verið gangrýnd og sérstaklega horft til þess að verið sé að nota salt.  Salt er hvergi notað eitt og ómengað en sannarlega er það notað til íblöndunar í hálkuvarnarefni.

Það eru nokkir kostir í stöðunni og þarf að velja þar á milli.

1. Nota fínan sand, hundruð tonna eins og gert var hér áður.

( Var að valda svifryksmengun langt upp fyrir heilsuverndarmörk allt of marga daga á ári, auk þess sem það kostaði milljónatugi að hreinsa bæinn að vori )

( Fínn sandur festist ekki við svellin og bílar gátu runnið á sandpúða eins og engar væru hálkuvarnirnar.

2. Nota grófan, saltborinn sand á valda staði, núna er um 6% gatankerfis meðhöndlað þannig.

( Veldur ekki svifryksmengun, kostar lítið að hreinsa bæinn að vori, sandurinn festist við svellin, en gallinn er að salt skemmir málma og fleira )

3. Engar hálkuvarnir. 

( Því fylgir aukin slysahætta )

4. Semja við máttarvöldin að hætta hálkumyndun í bænum.

( sennilega það erfiðasta )

 

Svo er það bara okkar bæjarbúa og bæjaryfirvalda að velja leiðir sem farnar eru í þessum málum.

Með þessari aðferð sem nú er notuð er verið að velja að forgangraða lýðheilsu framar efnishyggju.

Athugasemdir

[Snorri Hansson, 17.2.2016 kl. 16:00]

 Mín skoðun :

3) Engin hálkuvörn fyrir akstur.

Sparlega dreifður sandur á gönguleiðum.