Birgitta pírati orðin ómissandi.

Birgitta Jónsdóttir þingmaður Pírata ætlar að bjóða sig aftur fram til Alþingis. Hún segir að sér finnist óábyrgt að stökkva frá borði í miðri aðgerð og vísar hún þar til stjórnarskrársmálsins. Hún hafði áður sagt að hún ætlaði aðeins að sitja tvö kjörtímabil á Alþingi.

______________________

Birgitta Pírati, áður þingmaður tveggja annarra flokka er orðin ómissandi.

Þetta er þekkt, fjöldi manna fer á þing með þær háleitu skoðanir að þeir ætli ekki að verða sísetuþingmenn heldur láta af störfum eftir skikkanlegan tíma.

En hversu margir hafa ekki orðið því að bráð að telja sig ómissandi.

Nú er Birgitta orðin ómissandi, hætt við að hætta og stefnir á að vera lágmark 12 ár á þingi.

Nú er hún lang klárasti Píratinn og þess vegna verður hún endilega að halda áfram, sem er reyndar hennar eigið mat.

Það er nokkuð vel borguð innivinna að vera á þingi og margir hafa reynt að hanga á því allt of lengi.

Nú er Birgitta komin í þann hóp, þrátt fyrir að hafa verið á allt, allt annarri skoðun þegar kom að því að dæma aðra fyrir sísetu og tréna á þingi.

Eftir þessi 12 ár verður hún með þeim sem lengst hafa þraukað, að vísu fyrir nokkra flokka.

Ómissandi er málið.

 

Athugasemdir

[Axel Jóhann Hallgrímsson, 8.2.2016 kl. 20:44]

Við jafnaðarmenn eigum í vanda. Fylgið hrynur. Hollara, og vænlegra til árangurs, væri að horfa í eigin barm og reyna átta okkur á hvað veldur, og bæta þar úr í stað þess að níða skóinn af þeim sem reyta af okkur fylgið.

Raunar finnst mér Samfylkingin orðin handónýtur og stefnulaus flokkur sem helst lætur stjórnast af fyrirsögnum frétta og einhverjum dægurmálum sem engu máli skipta. Ekki get ég hugsað mér að kjósa flokkinn aftur fyrr en hann hefur tekið sig saman í andlitinu. Þá kýs ég heldur píratana, þeir gefa sig a.m.k. ekki út fyrir að vera annað en þeir eru.