Þrír þingmenn Pírata - þrjár stefnur og skoðanir.

Hringbraut spurði Birgittu í ljósi ólíkrar afstöðu hennar og Helga Hrafns eins og hann birtist í mismunandi stuðningi við mismunandi tillögur hvort skoðanaágreiningur væri meðal þeirra tveggja. Hún neitar því að öðru leyti en að mismunandi skoðanir séu uppi um aðferðafræði. Birgitta ánægð með að afgerandi stuðningur hafi komið fram við að píratar starfi áfram með stjórnarskránefndinni. Aðalheiður Ámundadóttir er fulltrúi þeirra þar. „Það er mikill misskilningur að það sé mitt hjartans mál að splundra þessari nefnd þótt ég hafi gagnrýnt hana.“ „Ég lít ekki svo á sem ég hafi tapað einverju máli þótt tillaga sem ég hafi stutt hafi ekki fengið framgang,“ segir Birgitta í samtali við Hringbraut.

( Hringbraut )

Gaman að fylgjast með Pírötum.

Þeir eru núna með þrjá þingmenn, sem oftar en ekki eru ekki sammála og hafa ólíka sýn á málin.

Maður segir nú bara.

Það verður fjör þegar þeir eru komnir með 25 þingmenn.

Gæti orðið flókið að finna út úr stefnu þeirra og áherslum þegar þar að kemur.

Athugasemdir

[Sigurgeir Jónsson, 4.2.2016 kl. 20:49]

Samfylkingi er að breytast í þínulitinn Pírataflokk.Enginn veit hver stjórnar flokknum né hvaða tilgang flokkurinn hefur.Nema það sé að eyða sjálfum sér.Skárst væri trúlega fyrir Samfylkinguna að leggja sjálfa sig niður.

[Jón Valur Jensson, 4.2.2016 kl. 23:13]

Þetta var reyndar vel athugað hjá honum Jóni Inga, Sigurgeir. Löngu var kominn tími til að vinstri menn rétt eins og örfáir hægri menn (t.d. Óli Björn Kárason í Mogganum í gær: Píratar breytast í hefðbundinn stjórnmálaflokk) horfi gagnrýnum augum á sýndar-bröltið í Pírötum og séu ófeimnir við að benda almenningi á vitleysisganginn í þeim.