Þetta verður að hafast.

Framsóknarflokkurinn sígur aftur eftir að hafa stokkið í rúmlega 14%. Undarlegur atburður hjá Capacent þegar það gerðist. Eiginlega undarlegt og líklega hafa þeir notað sama forritið og þegar þeir tvöfölduðu auglýsingakosnaðinn hjá þeim.

Ríkisstjórnin er fallin á báðum stöðvum í kvöld og auknar líkur á að þessi dauðþreytta og hugmyndasnauða stjórn nái ekki að endurnýja sig. Framsóknarflokkurinn er ólíkindatól og eini möguleikinn til að hann fari ekki í ríkisstjórn er að hann gjaldi slíkt afhroð að fylgið dugi ekki fyrir meirihlutastjórn. Flokkurinn hefur margsýnt það að hann stekkur á völdin alveg sama hvaða skilaboð kjósendur senda honum. Dæmi er Björn Ingi í Reykjavík sem sleikir völdin úr lófa Sjálfstæðisflokksins og líkar vel. Hvað var hann aftur með mikið ?? Rúmlega 6% var það ekki ?

Samfylkingin hefur rekið jákvæða og málefnalega kosningabaráttu. Ég er eiginlega mjög stoltur af flokkunum mínum þessa dagana. Frambjóðendur hvert sem litið er bera fram vandaða og góða stefnu af reisn og yfirvegun. Þetta er búið að vera frábært. Hverjir eru besssstir :-)

Fylgi Framsóknarflokks dalar á ný