Stór könnun - rétt þróun.

Merkileg könnun sem birtist hér. Hún er stór og mikil, svarhlutfall samt enn ekki nema 64%. Stóru tíðindin eru að Samfylkingin er að ná kjörfylgi og er mjög sterk á landsbyggðinni, td með 27% og þrjá í Norðaustrinu og fjóra í Suðurkjördæmi.

Framsóknarflokkurinn sem tók hástökk í dag í Capacent er hér undir 9% þannig að skilaboð dagsins í könnunum eru óljós. Sallar duttu hraustlega í þeirri könnun og eru hér töluvert undir 40 % sem þeir hafa verið að lafa í og vel það að undanförnu. Vg sígur enn þó minna í þessari hjá Stöð 2 en Capascent.

Skilaboð dagsins....eru. Það er mikil möguleiki á að fella þessa ríkisstjórn en til þess verða menn að kjósa flokka sem eiga raunhæfa möguleika á að andæfa íhalds-hægriflokkunum Sjálfstæðisflokki og Framsóknarflokki. Samfylking er það afl sem þarf að fá nægan styrk til að vera kjölfesta þess atburðar og í það stefnir svo sannarlega.

Ríkisstjórnin fallin samkvæmt nýrri skoðanakönnun