Gullgrafaraæðið - endist það ?

 Það er skollið á gullgrafaraæði á Íslandi

 Bandaríska fasteignafélagið Carpenter & Company mun verða leiðandi í byggingu 250 herbergja, fimm stjörnu Marriott Edition hótels við Hörpu. Skrifað var undir samning þess efnis í tónlistar- og ráðstefnuhúsinu í dag.

Þetta er það nýjasta.

 Nýlega opnaði 80 herbergja hótel á Siglufirði, 1.300 manna kaupstað úti á landi.

Svona fréttir eru að verða daglegt brauð, gistiheimili hér, hótel þar.

Þetta er eins þegar refa - og minkabú risu við annan hvern sveitarbæ á Íslandi

 

Allir ætluð að græða á því.

Núna ætla allir að græða á ferðamönnum, og verðlagningin er þannig að það á að gerast hratt.

Mest óttast maður að þessi bóla springi í andlitið á okkur og um allt land verði auð hótel eins og fór með minka - refabúin.

Það þarf ekki mikið að gerast í gengismálum þannig að Ísland verði of dýrt og ferðamenn leiti annað.   Slíkt hefur gerst.

Satt að segja má víða sjá hrikalegt okur á vörum og þjónustu.

Ljótasti bletturinn á þessari sögu er síðan sterkur orðrómur um gríðarlega svarta starfssemi þannig að minna komi í samfélagslega sjóði en efni standa til.

Vonandi springur gullæðið ekki í andlit landans, annað eins hefur hent okkur hér á klakanum, það hefur allt of oft gerst.

Athugasemdir

[Snorri Hansson, 23.8.2015 kl. 01:07]

Það er rétt hjá þér einhver áföll eiga eflaust eftir að koma. Þannig er það í öllum rekstri. Ég er samt sáttur við það sem er verið að gera á Siglufirði. Mikil og góð andlitslyfting.

Að örðuleyti  verða menn að bera ábyrgð á sinni fjárfestingu.