Lögregluríki ?

Nú verð ég að spyrja. Hvað er í gangi ? Lögreglan að byrjuð fyrirfram að vinna sér samúð. Þetta er nýung og maður spyr sig um vinnubrögð og réttmæti slíkra tilkynninga. Ef lögreglan hefur ætlað að vinna sér samúð í áróðurstríði með þessari yfirlýsingu er það alveg misheppnað. Nú spyrja menn sig fyrirfram... hvað stendur eiginlega til ?

Auðvitað vitum við að einhverjir koma þarna og mótmæla vel og fallega. Svo verða einhverjir sem fara yfir strikið. Þannig er þetta nú bara og lítið við því að segja.

En að lögreglan sé fyrirfram að reyna að hafa áhrif á skoðnamyndun borgaranna er grafalvarlegt mál. Skyldi dómsmálaráðherra vita af þessu ?

Lögregla biður landsmenn að taka fréttum frá mótmælendum með gagnrýnum huga

Athugasemdir

[Hreiðar Eiríksson, 26.4.2007 kl. 14:33]

Ég er sammála þessum pistli þínum, Jón Ingi.  Skoðana- og samviskufrelsi er gríðarlega mikilvægt í lýðræðisþjóðfélagi.  Hluti af því frelsi er frelsið til að koma saman og mótmæla því sem maður vill mótmæla.  Tjáningarfrelsið felst svo í því að segja frá skoðunum sínum eða reynslu án þess að ríkisvaldið eða einkaaðilar hindri það. 

Það er mikið atriði að okkur sem borgurum landsins berist upplýsingar um hátterni yfirvalda.  Því er það mjög mikilvægt að þeir sem telja sig hafa borið skarðan hlut frá t.d. viðskiptum við lögregluna, geti skýrt frá reynslu sinni.  Hlutverk fjölmiðla felst meðal annars í því að koma slíkum upplýsingum til okkar borgaranna.

Mér finnst það sérkennilegt, svo ég kveði ekki sterkar að orði, þegar lögreglan atyrðir fjölmiðla fyrir að sinna framangreindri skyldu sinni.  Fjölmiðlarnir eru að gefa einstaklingnum rödd.  Einstaklingurinn hefur ekki milljarðafjárveitingar af almannafé til að kosta starfsemi sína.  Hann hefur ekki her sérfræðinga og tækja til að láta rödd sína heyrast.  Fjölmiðlarnir jafna þennan leik.  Lögreglan getur svarað ásökunum, ef þær koma fram, og hefur hingað til haft fullan aðgang að fjölmiðlum til þess.   Almenningi er fyllilega treystandi til að mynda sér skoðun á málunum. 

Það sem ég hef bent á í þessu sambandi er hins vegar sá vandi sem felst í því hve erfitt er að leiða hið sanna í ljós með trúverðugum hætti.  ég tel þörf á því að framkvæma ýtarlegar rannsóknir á því hvernig staðið er að rannsóknum á meintum ávirðingum lögreglunnar og lögreglumanna.  Það fyrirkomulag sem nú tíðkast að ríkissaksóknari stjórnar slíkum rannsóknum, en fær tiltekna starfandi lögreglumenn eða lögreglustjóra til að annast framkvæmdina, tel ég ekki endilega þá aðferð sem hefur það yfirbragð trúverðugleika sem æskilegt væri.  Ég tel líka ástæðu til að skoða hvort "mistök" á frumstigum mála, áður en ríkissaksóknari fær vitneskju um mál og meðan þau eru enn undir stjórn lögregluliðanna sem þau snúast um, hafi áhrif á niðurstöður mála.

Ég tel að það sé mikilvægt verkefni stjórnvalda eftir Alþingiskosningarnar að endurskoða uppbyggingu ýmissra stofnana sem koma að löggæslumálum á Íslandi.  Vissulega hefur verið fjölgað í lögregluliðum á undanförnum árum, og auknu fé veitt til ýmissra mála, en ég er ekki viss um að menn hafi þorað að spyrja sig óþægilegra spurninga sem þó verða sífellt meira krefjandi eftir því sem lögregluliðin verða öflugari.

[Örvar Þór Kristjánsson, 26.4.2007 kl. 15:13]

 Talandi um frelsi.

Hvar er samræmið hjá mörgum í VG?? Nú fyrr í vetur fóru nokkrir VG hamförum yfir því að kvarta og kveina vegna komu löglegra (klám) framleiðenda fullorðinsefnis hingað til lands.  Þá varð fjandinn laus og helst vilduð þeir meina þeim aðgangi að landinu.  En þegar viðkemur glæpamönnum sem brjóta íslensk lög og fremja skemmdarverk þá verja þeirslíkt fólk!!!!  Tek skýrt fram að auðvitað á það ekki við um alla mótmælendur.   En VG eru að verja þessa öfgafullu sem virða ekki lög og reglur landsins.

Eftir síðasta sumar er það furða að lögreglan vilji vekja athygli á þessu máli.  Það finnst mér ekkert skrítið.

[Óli Garðars, 26.4.2007 kl. 21:14]

Muniði eftir skemmdarverkunum á vinnuvélum við Straumsvík í vetur? Þar var verið að byggja skólpdælustöð, sem ekkert tengdist álverinu.

Þar var fólk af sama sauðarhúsi og blogghöfundur er að verja, að verki.

Illa upplýst, ber fyrir sig lygi(sbr. heimasíðan þar sem gortað var yfir þessu skemmdarverki). Er þarna kannski kominn samnefnari yfir öfga VG? 

[Jón Ingi Cæsarsson, 26.4.2007 kl. 22:14]

Sérkennileg síðustu tvö innlegg.

Bloggið fjallar um að lögregla er að biðja fólk um að hafa vissar aðferðir og skoðun. Málið snýst alls ekki um að mæla ofbeldis og skemmdarverkum bót. Einfaldlega um að láta fólk sjálft um að mynda sér skoðun á sinn hátt á tilmæla frá lögreglu. Svo vil ég að lokum biðja fólk í guðana bænum að bendla mér ekki við VG.....það er mér fremur á móti skapi