Stórfurðuleg ákvörðun lögreglustjóra.

„Á þetta bara að vera einhver heilög fjölskylduskemmtun? Er það sú ímynd sem þau vilja að verði send út?” spyr Björg Guðrún Gísladóttir, ráðgjafi hjá Stígamótum, í kjölfar fregna af því að Páley Borgþórsdóttir, lögreglustjóri í Vestmannaeyjum, hafi gefið út bréf og sent til allra viðbragðsaðila þar sem hún brýnir fyrir þeim að upplýsa fjölmiðla alls ekki um hugsanleg kynferðisbrot sem kunna að koma upp á þjóðhátíð um helgina.

Ákvörðun lögreglustjóra í Vestamannaeyjum að fyrirskipa þögn um kynferðisbrot á þjóðhátíð vekur mikla undrun og jafnvel reiði.

Þessi ákvörðun er enn furðulegri því örstutt er síðan mikil umræða fór fram um þöggun í þessum málaflokki.

Ég heyrði umræddan lögreglustjóra reyna að rökstyðja ákvörðun sína.

Satt að segja fundust mér þær útskýringar þunnar í ljósi þess sem flestir þeirra sem hafa tjáð sig og lent í svona hörmungum hafa lýst þöggun og umræðuleysi hluta vandans .

Það hvarflar að manni að lögreglustjórinn hafi það að leiðarljósi að bæta ímynd þjóðhátíðar með að láta enga umræðu koma fram þessa daga.

En ég held að það sé ekki málið.

Þetta eru einfaldlega mistök embættismanns sem hugsar málið ekki alla leið.

Athugasemdir

[Elín Sigurðardóttir (IP-tala skráð) 29.7.2015 kl. 19:19]

Mér finnst hún vera með mjög góðan punkt, lögreglustjórinn.  Hún vill vernda þolendurna.  Það er þeirra að segja frá. Á facebook síðunni Beauty tips voru það konurnar sjálfar sem sögðu frá.  Mér finnst hún einmitt hafa hugsað málið mjög vel og það er algerlega út úr öllu korti að hún sé að pæla í einhverri ímynd.

[Jósef Smári Ásmundsson, 29.7.2015 kl. 21:29]

Sammála Elín. Það á fyrst og fremst að hugsa um þolendurna. Fólk sem lendir í nauðgunum og öðrum ofbeldismálum er í sárum og viðkvæmt og það hjálpar því engan veginn þegar fjölmiðlar og almenningur fá að smjatta á því. 

[Sigurgeir Jónsson, 29.7.2015 kl. 22:59]

Lögreglustjórinn í Vestmannaeyjum, er greinilega ekki innvígð og innmúruð í Samfylkinguna,þótt hún sé ríkisstarfsmaður.Þess vegna segir vinstra liðið að hún geri vitleysu.

[Jónas Ómar Snorrason, 30.7.2015 kl. 07:44]

Er ekki allt í lagi hjá þér Sigurgeir. 

[Jósef Smári Ásmundsson, 30.7.2015 kl. 10:01]

Þetta mál er ekki pólitískt eðlis Sigurgeir. Af hverju þarf alltaf ð snúa öllu upp í pólitík?

[Jónas Ómar Snorrason, 30.7.2015 kl. 11:11]

Það er vegna þess að heimskir tala Jósef, ekkert annað til að miða við.

[Jón Ingi Cæsarsson, 30.7.2015 kl. 11:14]

Það eru fáir sem treysta sér til að verja þetta stórfurðulega útspil lögreglustjórans í Vestamannaeyjum

Það má þó sjá þrjá þeirra hér sem tjá sig, þó Sigurgeir sé eins og vanalega fastur í flokkspólitískri sýn.

[Jóhann Elíasson, 30.7.2015 kl. 14:19]

Jón Ingi, mér finnst einmitt vera nokkuð margir, samanber athugasemdirnar hér við bloggið þitt, sem eru ánægðir með þessa ákvörðun lögreglustjórans í Eyjum og eru henni mjög hlynntir.  En hins vegar er svolítið erfitt að skilja afstöðu Stígamótakvenna.  Ég get ekki séð hvernig er hægt að blanda pólitík í þetta.

[Jón Ingi Cæsarsson, 30.7.2015 kl. 17:33]

Já.. Jóhann, þú fylgist með fjölmiðlum, er það ekki ?

[Sigurgeir Jónsson, 3.8.2015 kl. 04:02]

Visis mafían sem orsakaði hryllilegurstu réttarmorð íslandsögunnar og var stjórnað af gamla Alþýðuflokknum má aldrei endurtaka sig.

[Sigurgeir Jónsson, 3.8.2015 kl. 04:05]

Það er allt í besta lagi hjá Samfylkingunni í Sandgerði.