Frekjuhundar mættir og heimta " sína " orku.

Eigandi Klappa Development gefur lítið fyrir fullyrðingar formanns atvinnuveganefndar Alþingis um að útlokað sé að álver rísi á Norðurlandi vestra á næstu árum. Hann minnir á fyrri fyrirheit stjórnvalda um iðnaðaruppbyggingu á svæðinu. Hann segist hins vegar ekki hafa rætt við innlenda fjárfesta um verkefnið, en stefnt er að því að eignarhaldið verði í meirihlutaeigu íslenskra aðila. Hann segist hins vegar hafa tekið eftir því að til dæmis lífeyrissjóðirnir hafa ekki haft tækifæri til að fjárfesta hér á landi í ál- og orkuiðnaði.

Stóra vandmál fyrirhrunsáranna voru kraftaverkamenn sem mættu með gríðarlegar hugmyndir og byggðu upp væntingar.

Flestir fóru þeir á syngjandi ra..... í hruninu.

Um stund höfum við verið laus við slíka kraftaverkamenn, en nú láta þeir á sér kræla.

Þingeyingum var haldið í væntingum um álver í áratugi.

Nú eru menn mættir með slíkar hugmyndir í Húnavatnssýslur og hafa nú tekið til við að byggja upp sambærilegar væntingar á þeim svæðum.

Það er ljótur leikur.

Þeim kemur ekkert við þó engin  sé orkan, gefa lítið fyrir slíkar fullyrðingar, og vísa til fyrirheita stjórnvalda um uppbyggingu iðnaðar.

Nú er staðan þannig að viðkomandi heimta alla orku Blönduvirkjunar og meira til.

Þeim kemur ekkert annað við en þokukenndur eigin hugmyndaheimur.

Eitt er þó alveg ljóst.

Þjóðin hefur ekkert með svona hugmyndafræðinga að gera og furðulegt að forsætisráðherra skuli hafa látið sig hafa það að láta sjá sig í reykfylltum bakherbergjum svokallaðra stóriðjufjárfesta.

Við höfum annað með orkuna okkar að gera en gefa hana til álvera næstu árin.

Það vita þeir sem hugleiða þessi mál af skynsemi.

Athugasemdir

[Erla Magna Alexandersdóttir, 5.7.2015 kl. 19:47]

væri ekki ráð að Islendingar kunni fótum sínum forráð EINUSINNI Í  stórhagsmunamálum og selji ekki útlenum peningaöflum  sem stunda mengun á hreinni náttúru alla okkar orku- við kaupum hana þá af þeim fyrir hærra verð en við seldum-----

[Snorri Hansson, 8.7.2015 kl. 01:50]

Erla Magna, lýsir viðskiptum, sem mynna margt á viðskiptasögu héðan úr Eyjafirðinum:

„Hann keypti fisk af trillukörlum á 10 kr. kílóið. Ók í sveitina og seldi bændum á 9 kr. kílóið

og svo lifði hann á umsetningunni.“