Tilfinning mín að ganga eftir

Þá er það farið að sjást í könnunum á landsvísu sem sést hefur í stærri könnunum inni í kjördæmunum. Samfylkingin á uppleið og VG á leið niður. Framsóknarflokkurinn nær ekki vopnum sínum og Frjálslyndir eru að hverfa. Að vísu vantar nokkuð af upplýsingum í þessa frétt m.a. þá sem ekki svara og eru óákveðnir. Alltaf svolítið svekkjandi þegar þeir sem skrifa svona fréttir átta sig ekki á mikilvægi þess að láta það fylgja með.

Ég hef haldið því fram lengi að VG verður ekki 25-30% flokkur í kosningum. Það gerist bara í skoðanakönnunum. Ég hef þó spáð því að þeir vinni góðan sigur og verði í kringum 15% markið + -.

Ef á að takast að fella þessa ríkisstjórn, sem reyndar heldur velli í þessari könnun, þá verður Samfylkingin að ná góðri kosningu. Frjálslynt hófsamt fólk sem er í hjarta sínu jafnaðarmenn verður að hætta að kjósa Sjálfstæðisflokkinn sem gjarnan klæðir sig í jafnaðarmannabúning í kosningum en söðlar svo um að þeim loknum og verður aftur hægri flokkur með hægri áherslur. Þessu lýsir Mona Sahlin svo vel þegar hún segir frá ástandinu í Svíþjóð. Þar hafa hægri flokkarnir tapað miklu fylgi því þeirra rétta andlit kom í ljós að loknum kosningum. Jafnaðarmenn...vörumst ódýrar eftirlíkingar og kjósum það sem ekta er.

Samfylkingin eykur verulega fylgi sitt á kostnað VG

Athugasemdir

[Rúnar Haukur Ingimarsson, 19.4.2007 kl. 11:22]

Var ekki landsfundur hjá Samfó ? - vonandi að hann hafi skila einhverjum % í skoðanakönnunum

[Páll Jóhannesson, 19.4.2007 kl. 17:51]

Það er jú svo hin eina sanna stóra skoðanakönnun þann 12. maí sem telur þegar upp verður staðið..... stefnumál Samfylkingarinnar segir allt sem segja þarf .... áfram X-S