Þreytulegt !!

Ég varð eiginlega mest hissa á að heyra þá búta úr ræðu formanns Sjálfstæðisflokksins sem ég náði að heyra. Mér fannst ræða hans og áherslur þreytulegar, einhæfar og algjörlega lausar við framtíðasýn. Ég náði ekki að telja alveg frá byrjun þegar hann fór að nota orðið hagstjórnarmistök. Ég held að hann hafi náð því um það bil tólf sinnum. Formaðurinn var í vörn allan tíman og hann eyddi meiri tíma í það að lýsa hversu andstæðingarnir væru ómögulegir en hann eyddi í að segja frá stefnu og áformum eigin flokks. Þetta er undarlegasta setningarræða sem ég hef heyrt frá formanni stjórnmálaflokks við upphaf landsfundar.

Kannski er ekki undarlegt þó formaðurinn sé í vörn, séstaklega í efnahagsmálum og málefnum aldraðra. Flokkurinn sem er búinn að vera samfleytt í ríkisstjórn í 16 ár fer skyndilega að lofa gulli og grænum skógum í þeim efnum. Er ekki kominn tími til að hætta að taka mark á blekkingum og sýndarmennsku Sjálfstæðisflokksins.

Geir: Eðlilegt að ríkið tryggi öllum lágmarkslífeyri úr lífeyrissjóði

Athugasemdir

[Þórður Steinn Guðmunds, 12.4.2007 kl. 21:55]

Jæja Amma, verst að þú ert dáin.. 

Og ég enn að borga þessu háu vexti, og við þurfum enn að búa við þessa verðbólgu sem er ekki á neinni niðurleið. Skattarnir sem lækkuðu komu fram í bensíni, búsi og mat. En elsku amma núna ættiru að fá 25 þús kall til að lifa af og já þeir lækkuðu matverðið. korteri fyrir kosningar. En núna var krónan að styrkjast og í staðinn fyrir möguleika á því að lækka enn fremur matarverðið þá hækkuðu birgjarnir innkaupaverðið á vörum svo þau verða að hækka aftur. En elsku amma enginn áttar sig á því að birgin eru í eigu Baugsmanna sem eiga svo aftur búðirnar, jú þetta skilaði engu. En nú ætlar afi að kjósa Sjálfstæðismennina aftur til að heyðra minningu þína. Hann man tímana tvenna og vill ekki láta þessa vinstrimenn ráða hér ríkjum, nei takk. Hann hefði viljað vera hjá þér síðustu árin en þeir vildu hafa þetta svona, aðskilin í ellinni, svo þá er það best, þú veist hvernig það er. Hátæknisjúkrahúsið mun bjarga honum það er ég viss um. Það þarf ekki fleiri hjúkrunarkonur eða fleiri sjúkrarúm, nei það þarf að byggja flott hús með nógu flottu nafni, hátæknisjúkrahús, og fiskarbúr sem kostar 3 milljónir í andyrið það bjargar honum kæra amma. Konurnar á ganginum sem þú bjóst á eru líka flestar með alzheimer, þeim finnst þessi kall með bláabindið og skítaglottið, klappandi á lærið á Jóni Sig, flottur og með góðar hugmyndir, já þær eru með alzheimir, þetta verður staðið við og þær eiga enn barmmerkið sem faðir þeirra gaf þeim í fermingargjöf, yfir og út.