Fjármálaráðherra borubrattur - í afneitun.

Fjármálaráðherra er venjulega afar borubrattur þegar hann er að lýsa góðri fjármálastjórn sinni. Venjulega notar hann sem viðmið að staða ríkissjóðs hafi batnað og skuldir lækkað. Það er rétt hjá Árna....skuldir hafa lækkað og sennilega er létt að sjá það í bókhaldinu. En það sem Árni sér aldrei er það sem stendur ekki í bókhaldinu. Þessi árangur hefur náðst þrátt fyrir fjármálastjórn Árna og Sjálfstæðisflokksins. Á fundi um efnhagsmál og efnahagsstórnun sagði Jón Sigurðsson fyrrverandi iðnaðarráðherra og seðlabankastjóri.

" Sá bati sem orðið hefur hjá ríkissjóði byggist aðallega á umframtekjum af ofþenslunni og sölu ríkiseigna en síður á árangri við útgjaldastjórn."

Það sem veldur mestum áhyggjum er að búist er við halla á ríkisstjóði um leið og þensan fer að minka og kannski skiljanlegt að Sjálfstæðisflokkurinn vilji viðhalda henni til að dylja slaka stjórnun sína á fjármálum ríkisisins.

Svo segir Jón og það er það sem mest ástæða er að hafa áhyggjur af.

„Hættan er sú að Ísland missi trúverðugleika á alþjóðlegum fjármálamörkuðum, en þá væri voðinn vís með hækkandi vaxtaálagi, gengisfalli og verðbólgugusu."

Ríkisstjórnin sem nú hefur setið í 12 ár hefur veiklað svo stoðkerfin mikið. Heilbrigðiskerfið, löggæslan, fangelsismálin, malefni aldraðra og fleira hefur verið í svelti meðan fjármálageirinn bólgnar. Ef síðan það gerðist að Ísland missti trúverðugleika sem hætta er á er voðinn vís. Líklega er dýralæknirinn talnaglöggi í afneitun ásamt restinni af ríksisstjórninn því áhyggjuleysi hans er algjört. Hvort það er uppgerð eða afneitun er svo ekki gott að segja.

 

Gagnrýnir hringlanda og ósamstillta hagstjórn

Athugasemdir

[Guðjón Jensson (IP-tala skráð) 12.4.2007 kl. 14:16]

Já fjármálaráðherrann er oft ansi ánægður með sjálfan sig. Einna líkastur er hann á stundum nískum bónda sem kominn er frá skepnunum sínum eftir að hafa gefið þeim smátuggu, svona rétt til að hafa þær góðar næsta hálftímann. Eða er hann öllu líkari Jóni sterka í Skugga Sveini sem lét hafa eftir sér: Sáuð þið hvernig ég tók´ann? Svo þegar hann mætti sjálfum Skugga-Sveini þá var hann sá fyrsti að flýja af hólmi!

Nú er Árni fjármálaráðherra dýralæknir. Stundum þegar ekki náðist í dýralækni þá var stundum gripið til hrossalækninga. Þær þóttu bæði vandræðalegar og ekki beitt nema í ítrustu neyð. 

Svo var það þegar dýralæknirinn og heimilislæknirinn voru að metast um hvor þeirra gegndi mikilvægara starfi. Dýralæknirinn kvað augljóst að sín störf væru erfiðari þar eð ekki gætu sjúklingarnir sagt neitt til hvar þeim liði illa. Það þyrftu þeir að finna sjálfir út.

Heimilislæknirinn spurði nú dýra hvað hann myndi gera ef hann væri kvaddur til sín ef hann veiktist. Nú kvað dýralæknirinn það létt verk því hann myndi spyrja hvar hann kenndi sín. Og ef þér tækist ekki að lækna mig? Þá er að kalla á prestinn!

Veistu hvað eg myndi segja konunni þinni ef þú værir veikt hross? Nei kvað hinn við.

Ef meðalasullið dugaði ekki til yrði hún að kalla á vinnumanninn, biðja hann um að ná í byssuna til að aflífa sjúklinginn!

- Það getur verið gamansamt að rifja upp svona gamansögur af læknum á borð við þessa - en þjóðmálin eru grafalvarleg og verst kann að vera að ekki séu allir meðvitaðir um það.

Margt í fjármálastjórninni minnir mjög á hrossalækningar. Núna hafa t.d. heilbrigðisstofnanir og skólar á vegum ríkissjóðs verið mjög fjársveltar að ekki sé Umhverfisstofnun gleymt! Á þann bæ voru a.m.k. 3 ríkisstofnanir sameinaðar auk þess að ýmsum verkefnum var mokað úr ráðuneytum en hver var fjárveitingin? Mjög áþekk og 2 fyrri ríkisstofnanir höfðu áður fengið!!!

Það er hægt að sýna frábæra útkomu ríkissjóðs með aðferð nirfilsins!

Mosi

alias

[Guðjón Sigþór Jensson, 12.4.2007 kl. 14:22]

Sæll Jón

Já fjármálaráðherrann er oft ansi ánægður með sjálfan sig. Einna líkastur er hann á stundum nískum bónda sem kominn er frá skepnunum sínum eftir að hafa gefið þeim smátuggu, svona rétt til að hafa þær góðar næsta hálftímann. Eða er hann kannski ekki öllu líkari Jóni sterka í Skugga Sveini sem lét hafa eftir sér: Sáuð þið hvernig ég tók´ann? Svo þegar hann mætti sjálfum Skugga-Sveini þá var hann sá fyrsti að flýja af hólmi!

Nú er Árni fjármálaráðherra dýralæknir. Stundum þegar ekki náðist í dýralækni þá var stundum gripið til hrossalækninga. Þær þóttu bæði vandræðalegar og yfirleitt ekki beitt nema í ítrustu neyð og ekki náðist í lækni. 

Svo var það þegar dýralæknirinn og heimilislæknirinn voru að metast um hvor þeirra gegndi mikilvægara starfi. Dýralæknirinn kvað augljóst að sín störf væru erfiðari þar eð ekki gætu sjúklingarnir sagt neitt til hvar þeim liði illa. Það þyrftu þeir að finna sjálfir út.

Heimilislæknirinn spurði nú dýra hvað hann myndi gera ef hann væri kvaddur til sín ef hann veiktist. Nú kvað dýralæknirinn það létt verk því hann myndi spyrja hvar hann kenndi sín. Og ef þér tækist ekki að lækna mig? Þá er að kalla á prestinn!

Veistu hvað eg myndi segja konunni þinni ef þú værir veikt hross? Nei kvað hinn við.

Ef meðalasullið dugaði ekki til yrði hún að kalla á vinnumanninn, biðja hann um að ná í byssuna til að skjóta og aflífa sjúklinginn!

- Það getur verið gamansamt að rifja upp svona gamansögur af læknum á borð við þessa - en þjóðmálin eru grafalvarleg og verst kann að vera að ekki séu allir meðvitaðir um þann vanda sem við er að glíma.

Margt í fjármálastjórninni minnir mjög á hrossalækningar. Núna hafa t.d. heilbrigðisstofnanir og skólar á vegum ríkissjóðs verið mjög fjársveltar að ekki sé Umhverfisstofnun gleymt! Á þann bæ voru a.m.k. 3 ríkisstofnanir sameinaðar auk þess að ýmsum verkefnum var mokað úr ráðuneytum en hver var fjárveitingin? Mjög áþekk og 2 fyrri ríkisstofnanir höfðu áður fengið!!!

Það er hægt að sýna frábæra útkomu ríkissjóðs með aðferð nirfilsins!

Bestu kveðjur norður heiðar.

Mosi

alias