Risavaxin mistök stjórnarflokkanna. Gjaldþrot Íbúðalánasjóðs.

Samanlagt munu því vaxtatap sjóðsins vegna skuldaúrræða ríkisstjórnarinnar nema 900 til 1350 milljónum á ári eða sem nemur um helmingi hreinna vaxtatekna Íbúðalánasjóðs. „Framangreint tjón vegna úrræða stjórnvalda mun að óbreyttu hafa mikil áhrif á grunnafkomu sjóðsins og valda því að sjóðurinn verður hér eftir rekinn með tapi sem á endanum fellur á ríkissjóð,“ segir í skýrslu stjórnar Íbúðalánasjóðs.

___________________

Hin svokallaða skuldaleiðrétting stjórnarflokkana kostara ríkissjóð 80 milljarða á fjórum árum.

Þar sem ekki er hægt að nota sömu peningana tvisvar mun þetta koma niður á rekstri þjóðfélagins, velferðarkerfi sem og öðrum.

Nú hefur Íbúðalánasjóður gert grein fyrir afleiðingum þessa á sjóðinn.

Hann mun verða af gríðarlegum tekjum bæði vegna þessa svo og vegna ráðstöfunar lífeyrissparnaðar til lækkunar lána og lækkunar höfuðstóls með beinum hætti.

Þetta tap þarf síðan að fjármagna með framlögum úr ríkissjóði sem bætist við þá 80 milljarða sem áður lá fyrir að þyrfti að fjármagna.

Þessi aðgerð gerir í reynd Íbúðalánasjóð gjaldþrota.

Svo má ræða það hvort það gáfuleg ráðstöfun að nota skattfé landsmanna til að lækka skuldir hluta skuldara.

Í reynd er það mismunum sem er óþolandi, að skattfé allra sé notað til að lækka skuldir minnihlutans.

Það er ekki réttlæti og er hrein mismunun því þeir sem ekki " fá " skuldaleiðréttingu greiða þetta með sköttunum sínum.

Hin svokallaða skuldaleiðrétting er í reynd risastór efnahagsstjórnunarmistök.