Afnám gjaldeyrishafta fjarlægur draumur ?

Seðlabanki Íslands hefur smíðað reiknilíkan sem ætlað er að meta áhrif mismunandi þróunar varðandi greiðslujöfnuð langt fram í tímann, þ.m.t. aðgerðir varðandi losun hafta. Ef það er notað á þetta tilvik kemur í ljós að allur gjaldeyrisforðinn myndi þurrkast út og gott betur ef hann yrði notaður til að verja gengið," sagði Már Guðmundsson seðlabankastjóri í ræðu á ársfundi Seðlabanka Íslands sem nú stendur yfir.

___________

Þótt fjármálaráðherra og forsætisráðherra hafi talað um að afnám gjaldeyrishafta væri skammt undan og í reynd einföld aðgerð, virðist sem Seðlabankinn sé ekki á sama máli.

Á fundi bankans sem nú stendur yfir málar seðlabankastjóri heldur dökka mynd af því sem framundan er.

Ljóst er að margar og stórar hættur eru á leið okkar að afnámi haftanna.

Jafnvel svo miklar að krónan verði um alla eilífð í einhverskonar höftum.

Þeir sem vilja vera raunsæir viðurkenna að krónan er ónýtur gjaldmiðill og ekki á vetur setjandi.

Draumóramenn halda að krónan sé framtíðarsöngur og lykillinn að " sjálfstæði " landsins.

Auðvitað er það ekki svo, örkróna í höftum mun takmarka alla uppbyggingu á Íslandi og hvaða fjárfestar vilja mæta með aurana sína í slíkt efnahagsumhverfi ?

Vonandi fara einhverjir að sjá á hverskonar villigötum þeir eru sem trúa í blindni á íslenska kraftaverkið