Einstakur forsætisráðherra Íslands.

Starfsmannafélög Stjórnarráðsins segja forsætisráðherra hafa vegið að heiðri félagsmanna með ummælum sínum í Kryddsíld Stöðvar 2 á gamlársdag um að lekar úr ráðuneytum um persónuupplýsingar fólks væru algengir á Íslandi. Formaður annars starfsmannafélagsins segir ummælin mjög alvarleg.

_____________

Það má segja að SDG forsætisráðherra sé einstakur forsætisráðherra.

Hann er fullkomlega rúinn trausti hjá meirihluta þjóðarinnar og þar liggja ótrúlega margar ástæður að baki.

En að forsætisráðherra Íslands hafi tekist að tala niður starfsmenn Stjórnarráðsins með slíkum hætti að þeir teli ástæðu til að taka málið upp er líklega einsdæmi.

Svo til að kóróna dónaskapinn svarar forsætisráðherra ekki starfsmönnum formlegu bréfi.

SDG er í sérflokki forsætisráðherra og frammistaða hans á hálfnuðu kjörtímabili verður vafalaust notað í kennslubókum framtíðarinnar þar sem fjallað er um vonda stjórnarhætti.