Stjórnarflokkar í djúpum vanda.

Sigmundur Davíð telur það geta þjónað hagsmunum kröfuhafa ef vinnan er gerð opinber og segir „mikilvægt að þessi vinna verði ekki gerð opinber fyrr en hún hefur verið kláruð eða er komin á það stig að ekki sé hætta á að hún verði á einhvern hátt skemmd, unnið á henni eitthvert það tjón sem mundi gera íslenska ríkinu erfiðara fyrir við að leysa úr höftunum á farsælan hátt fyrir allan almenning í landinu“.

( visir.is )

Stjórnarflokkarnir eru í miklum vanda með losun gjaldeyrishafta.

Forsætisráðherra talar fyrir leyndarhyggju að hans sögn vegna kröfuhafa í þrotabú bankanna.

Flestir eru nú samt á þeirri skoðun að ástæðan sé vandræðagangur stjórnarflokkanna með málið. Flokkarnir virðast langt frá því samstíga.

Samráð við aðra flokka á þingi er ekkert.

Snatahópur forsætisráðherra er vaknaður af dvala og Indefence-hópurinn talar fyrir 60% útgönguskatti á kröfuhafa þrotabúa bankanna.

Þessi hópur er bakland forsætisráðherra þegar hann þarf að auka vinsældir sínar með poppulisma.

En slíkar tillögur hitta alla fyrir, það er ekki hægt að velja sér hagstæð fórnarlömb og ofurskatta þau en sleppa öðrum.

Íslenskir lífeyrissjóðir yrðu illa úti í slíkri ofursköttun.

En ég held að þessi nýju málflutningur Framsóknarmanna sé innlegg í poppulíska umræðu um hrægammana margumræddu, sem hefur oft orðið vatn á myllu Framsóknar.

Þeir segja það sem vænlegt er til vinsælda en skiptir minna máli hversu raunhæft það er.

En mergurinn málsins er að stjórnarflokkarnir ráða ekki við verkefnið enda fer vandræðagangurinn ekki framhjá nokkrum manni.

Málið sem átti að vera svo ofurlétt við stjórnarmyndun fyrir bráðum tveimur árum, er að verða myllusteinn um háls stjórnarflokkanna.

 

 

Athugasemdir

[Stefán Örn Valdimarsson (IP-tala skráð) 6.3.2015 kl. 09:35]

Enn einu sinni hittir þú naglann á höfðuð. Ríkisstjórnin ætti að taka síðustu ríkisstjórn til fyrirmyndar samanber allt það samráð og opnu tjöld sem var í aðdraganda Icesave samkomulagsins.