Lýðræðisleg niðurstaða.

Þá er það komið. Hafnfirðingar höfnuðu deiliskipulagi sem gerði ráð fyrir stækkun álvers í Staumsvík. Undarlegt segja sumir, frábært segja aðrir. Ég segi, þetta er niðurstaða úr vali bæjarbúa um framtíð bæjarins. Niðurstaðan er fengin.  Ég sé að menn eru að kalla þessa niðurstöðu ýmsum nöfnum. Ég segi, virðum niðurstöður þessara kosninga sem eru í sjálfu sér einsdæmi á Íslandi. Íbúalýðæði í hávegum haft.

Ég persónulega skil þessa niðurstöðu. Ég hefði valið eins fyrir bæinn minn ef aðstæður hefðu verið sambærilegar. Álver er atvinnuskapandi eins og allar atvinnugreinar. En vildi ég hafa slíka risaverksmiðju í bakgarðinum heima hjá mér. Nei takk....til hamingju Hafnfirðingar.

Hafnfirðingar höfnuðu stækkun álversins

Athugasemdir

[Jón Ingi Cæsarsson, 1.4.2007 kl. 02:54]

Sæll Þrölli.

ég skrifa hér sem einstaklingur og lýsi mínum persónulegu skoðunum. Þó svo ég sé félagi í Samfylkingunni þá hlýða þeir mér ekki í einu og öllu enda varla von.

 Það vita það allir að ég er ekki fylgjandi því að byggja risaálver í Eyjafirði enda stendur það ekki til.  Það verður að velja slíkum iðnaði rétta staði með tilliti til umhverfis og aðstæðna og þess vegna er ég sammála að ef slík verksmiðja rís á Norðurlandi á hún miklu frekar heima við Bakka við Húsavík en í Eyjafirði. Það er nær orkugjöfum og landfræði og veðurfarsaðstæður allt aðrar en hér í þröngum Eyjafirðinum. Við íslendingar eigum nægilegt landrými og þurfum ekki að byggja upp slíkan iðnað inni í bæjum eins og háttar til í Hafnarfirði.