Hvar er Björn ?

Ég hef áður fjallað um þessar undarlegu hugmyndir dómsmálaráðherra. Nú kallar hann þetta varalögreglu. Margir hafa orðið til að gera grín að Birni og hermennskutilraunum hans. Ég fylli ekki þann flokk manna. Mér finnst það grafalvarlegt mál að dómsmálaráðherrann gangi með slíkar hugmyndir innanborðs. Mér veit eins og flestir aðrir að það þarf að forgangsraða notkun fjármuna. Að forgangsraða með þessum hætti er auðvitað fráleitt.

Vandamálin eru allstaðar. Fangelsinsmálin í tómu tjóni, fíkniefnalögreglan í fjársvelti og víða pottur brotinn í almennu löggæslunni. Og dómsmálaráðherrann er allur í dularfullum hugmyndum sem fæstir skilja. Lögreglumenn á Akureyri eru jafn margir og fyrir 20 árum eða nærri því.

Ég eiginlega vorkenni Birni svolítið. Hann er hafður sem grín af flestum en þannig get ég ekki litið á málið. Það er alvarlegra en svo. Dómsmálaráðherra verður að hafa betri skilning á málaflokki þeim sem hann stýrir en virðist vera með Björn Bjarnason.

Tindátaleikur fyrir fullorðna segir Össur Skarphéðinsson