Óþverra ríkisstjórn. Viljum við svona stjórnmálamenn ?

„Við hendum bara fólki út á guð og gaddinn með tíu daga fyrirvara. Og mönnum finnst það sæmandi. Og útskýringarnar sem menn draga fram, sem réttlætir það, sé að menn séu að spara milljarð í krónum og aurum,“ segir Sigurður Bessason, formaður Eflingar, um ákvörðun stjórnvalda að stytta bótatímabil atvinnulausra úr þremur árum í tvö og hálft ár nú um áramótin.

______________

Það kemur betur og betur í ljós hverskonar ríkisstjórnarmeirihluti er á Íslandi.

Síðasta ár hefur sýnt okkur að hér fara stjórnmálamenn sem forgangsraða í þágu auðmanna og þeirra sem betur standa.

Þessi ríkisstjórnarmeirihluti er tilbúinn að kasta fyrir róða hagmunum þeirra sem minna mega sín og hafa minna handa á milli.

Það hefur skýrst á undanförnum dögum hvaða hugarfar er að baki því að draga úr réttindum atvinnulausra og bera á borð rakalausan þvætting sem stenst enga skoðun.

Þeir sem eru atvinnulausir eru jafn atvinnulausir þó félagsmálaráðherra sjái bætt atvinnuástand í bleiku ljósi.

Rök ráðherrans er óboðleg rökleysa.

Það sýnir líka hugarfar þessarar ríkisstjórnar að vísa milljarði á illa stödd sveitarfélög, sem verða að taka við þessum bolta bótalaust.

Þetta er eitt af forgangsverkefnum sveitarfélaga þannig að eitthvað annað í þjónustu við borgarana verður að víkja.

Þessi ríkisstjórn er hrokafull, ósanngjörn, ómarkviss og illa að sér í málefnum þjóðarinnar.

Ráðherrar og helstu áhrifamenn hafa sýnt getuleysi sitt þannig að eftir er tekið.

Sennilega erum við nú með verstu ríkisstjórn, sem komist hefur til valda á Íslandi.

Hún er hreinlega hættuleg og mannfjandsamleg.

Athugasemdir

[Haukur Kristinsson (IP-tala skráð) 29.12.2014 kl. 17:34]

Jón Ingi, er það ekki svo að hin svokölluðu "kristnu gildi" íhaldsins og auðróna eru nú í heiðri höfð og ráða ferðinni?