Nýtt hrun yfirvofandi ?

Landsframleiðslan jókst minna en nam vexti þjóðarútgjalda

Landsframleiðslan á fyrstu níu mánuðum ársins 2014 jókst um 0,5% að raungildi borið saman við fyrstu níu mánuði ársins 2013. Á sama tíma jukust þjóðarútgjöld, sem eru samtala neyslu og fjárfestingar, um 3%. Einkaneysla jókst um 2,8%, samneysla um 1,1% og fjárfesting um 12%. Útflutningur jókst um 5,1% og innflutningur nokkru meira, eða um 10,8%.

____________________________

Landfeðurnir eru farnir að ræða afnám gjaldeyrishafta og reyna að blása fram bjartsýni með feitum yfirlýsingum um væntalegt góðæri.

Er það svo ?

Eins og sjá má á síðu Hagstofnunnar eru blikur á lofti.

Landframleiðsla dregst saman, vöruskiptajöfnuður er óhagstæður og hagvöxturinn er drifinn af einkaneyslu.

Erlendar fjárfestingar eru ekki í augsýn og því er sá hagvöxtur á sandi byggður.

Framundan eru átök á vinnumarkaði og reyndar eru þau átök þegar hafin.

Maður spyr sig ? Eru hugleiðingar um afnám gjaldeyrishafta raunhæfar í ljósi þessara aðstæðna.

Krónan er eins og oftast áður ónýtur gjaldmiðill og hætt við að gengi hennar mundi hrynja við minnstu áföll.

Allir vita hvað það þýðir fyrir hag heimilanna ef það gerist og hætt við að skuldleiðréttingar sumra lána færu fyrir lítið svo ekki sé talað um þá sem fengu ekki neitt.

Þrátt fyrir stórar yfirlýsingar ráðamanna um blóm í haga verður samt að draga þær mjög í efa og ástandið er brothætt.

Vonandi erum við ekki að ganga inn í enn eitt hrunið, en merkin er samt ógnvænleg.