Náttúrulöggur Sjálfstæðisflokksins.

Svandís spurði einnig að því hver myndi hafa eft­ir­lit með því hvort pass­inn væri við hendi eða ekki og hvað myndi ger­ast ef Íslend­ing­ur gæti ekki fram­vísað pass­an­um.

Ráðherra svaraði því til að framkvæmdin væri í höndum Ferðamálastofu og ef menn gætu ekki framvísað passa yrðu lagðar á sektir.

Svokallaðir " náttúruverðir " eru því hið frábæra framlag Sjálfstæðisflokksins til landsmanna.

Þeir verða á ferðinni um náttúru landsins og leita uppi þá sem ekki hafa borgað þennan nýja skatt FLOKKSINS.

Væntalega verða þeir á ferðinni með posa og nettengdir til að tékka á kennitölum og gefa út sektamiða.

Sér ráðherra virkilega ekki fáránleikann í þessum tillögum ?

Að mörgum tillögum þessar ríkisstjórnar er þessi sennilega sú bjánalegasta af þeim öllum.

Ég trúi ekki að Alþingi taki ekki ráðherrann niður úr þessu tré fáránleikans.

En ljósi punkturinn er kannski að hennar mati að þetta er atvinnuskapandi og hægt að ráða inn 2 - 3.000 eftirlitsmenn á dúndurlaunum.

 

 

 

Ekki bannað að fara í berjamó

Athugasemdir

[Jón Ingi Cæsarsson, 2.12.2014 kl. 18:21]

Hver ætlar að sekta mig við að skoða Dimmuborgir. Hver ætlar að ná út úr mér nafni og kennitölu til að skrásetja sektina.

Verða þessar náttúrulöggur með valdbeitingaheimildir til að toga nöfn og kennitölur út úr brotamönnum á vettvangi ?

[Wilhelm Emilsson, 2.12.2014 kl. 21:15]

Hver veit? Ferðamálastofa leitar kannski til Landeigendafélagsins Geysis ehf. Það eru menn með reynslu.

[Agla, 2.12.2014 kl. 22:16]

Myndi ég þurfa að hafa náttúrupassann með mér ef ég færi í helgarboð úr bænum í Fljótshlíðina?

Er hugsanlegt að náttúrulöggurnar verði búnar hríðskotabyssum?