Geimverurnar og löggan.

Hryðjuverkaógn, meðal annars frá samtökum sem kenna sig við íslamskt ríki, er ein ástæða þess að lögreglan hér á landi telur sig þurfa 150 hríðskotabyssur. Þetta segir Jón Bjartmarz yfirlögregluþjónn hjá Ríkislögreglustjóra.

_________________

Yfirlögginn hjá ríkisslögreglustjóra er mjög byssuglaður náungi og er ekki í vandræðum með að finna sér afsökun fyrir vopnaburði lögreglu.

Ég sé ekki í hendi mér hvernig hríðskotabyssa í vopnageymslu lögreglunnar ætti að koma í veg fyrir hryðjuverk ætli menn sér að gera slíkt. Norska lögreglan var ágætlega vopnuð, samt kom Breivík.

Í hans huga er Íslamska ríkið afsökun fyrir að vopna lögreglu á eyju úti í Ballarhafi.

Þetta er nokkuð örvæntingarfull tilraun til að búa sér til afsökun.

Sennilega hefði hann alveg eins getað nefnt ógn að geimverum, þær eru líklega jafn mikill veruleiki á Íslandi og íslamskt ríki.

 

Athugasemdir

[Jón Þórhallsson, 27.11.2014 kl. 14:02]

Byrjum á því að stöðva frekari útbreiðslu moskubygginga hér á landi með 1 einföldu NEI-i ÁÐUR en að vandamálin fara að stigmagnast.

[Jón Ingi Cæsarsson, 27.11.2014 kl. 15:15]

Það eru einn og einn sem eru til í að opinbera eigin rasisma Jón.

[Hrólfur Þ Hraundal, 27.11.2014 kl. 19:48]

Hvernig ferð þú að því Jón Ingi að rökstyðja rasisma í orðum Jóns Þórhallssonar? 

Það er rétt hjá þér Jón Ingi að byssur eiga að vera í notkun til þess að menn kunni á þær þegar til á að taka. 

Það er hinsvegar frekar ólíklegt að staðreyndir þessa máls sjáist í þinni hendi.