Fjögur tromp Framsóknar.

 

Framsóknarflokkurinn hafði fjögur spil á hendi í stjórnarandstöðu og kosningum.

Þeir hafa spilað tveimur þeirra út á landsvísu, skuldaleiðréttingarspilinu og Icesavespilinu.

Icesavespilið skilaði þeim 24% fylgi tímabundið, á réttum tíma í kosningum.

Nú hafa þeir spilað út trompásnum, skuldaleiðrétting upp á 80 milljarða úr ríkissjóði til 28% landsmanna.

Það spil virðist engu skila þegar horft er til fylgis og skoðanakannana.

Framsókn á nú tvö spil á hendi þegara horft er til landsmála, en hefur spilað þeim öllum út í sveitarstjórnarmálum.

Flugvallarspilið og rasismaspilið skiluðu þeim tveimur borgarfulltrúum þegar lengst af leit út fyrir að enginn fulltrúi væri í höfn.

Stóra spurningin er því.

Mun Framsókn meta það svo í næstu kosningum að þeir verði að spila út þeim tveimur spilum sem þeir hafa á hendi þegar horft er til landsmála ?

Varla mun flugvallarspilið skila þeim nokkru og þá er eitt eftir sem svínvirkaði í Reykjavík í vor.

Mun Framsókn spila út laufaásnum, eina háspilinu sem þeir eiga á hendi í næstu kosningum ?

Mun verða tekin einhverskonar rasismalína á þær kosningar.

Vona ekki og trúi því varla.

Freisingin verður mikil þegar maður er kominn upp að vegg, með viðvarandi málefnafátækt í farteskinu, en þó eitt háspil á hendi.

Sjáum til og vonum það besta.