Flottræflarnir í ráðuneytunum.

Gengið hefur verið frá kaupum á nýjum ráðherrabílum fyrir utanríkis- og fjármálaráðherra. Sá fyrrnefndi hefur þegar verið afhentur Gunnari Braga Sveinsson en um er að ræða Land Rover Discovery jeppa. Þá hefur Mercedes-Benz E-Class verið pantaður fyrir Bjarna Benediktsson. Viðskiptablaðið greinir frá. Jeppinn er af gerðinni Discovery SE og kostar 13 milljónir króna samkvæmt verðlista söluaðilans BL.

 

Óttalega er þetta falskur tónn í umræðunni um Landspítala og framhaldsskólana.

Auðvitað þurfa ráðherrar bíla.

En það þarf ekki að taka flottræfilinn á það þegar menn velja tegundir og verð.

Athugasemdir

[Sigrún Guðmundsdóttir (IP-tala skráð) 13.11.2014 kl. 20:12]

Í tíð Jóhönnu Sigurðardóttur mátti ekki endurnýja neitt. Af popúlískum ástæðum. Þ.m.t. bílaflota ráðherra sem nú er orðinn eldgamall og úr sér genginn. Það - eins og margt annað af ráðstöfunum þeirrar ríkisstjórnar hefur ekki elst vel og bíður úrlausnar annarra. 

Það mátti þó endurnýja hennar bíl - reyndar hóflegan bíl sem hún fékk víst að kaupa á góðu verði þegar hún hætti.

Gunnari Braga finnst greinilega smart að vera á Land Rover en núverandi bíll fjármálaráðherra er ógangfær og því þarf að kaupa nýjan sem jafnvel þú sérð að er endingagóður bíll. 

Hvernig væri að kynna sér aðeins málin áður en dómar eru felldir?