Ríkisstjórn á brauðfótum.

Á vef MMR kemur fram að á meðan traust til flestra stofnana hafi aukist frá síðustu mælingu hafi dregið úr trausti til ríkisstjórnarinnar og Alþingis. 17,4 prósent sögðust bera mikið traust til ríkisstjórnarinnar nú en 23 prósent í október í fyrra.  

12,8 prósent bera mikið traust til Alþingis nú - 16,4 fyrir ári síðan.

Traust til Landsvirkjunar, stéttarfélaganna, Seðlabankans, Evrópusambandsins , VR, FME og bankakerfisins hefur ekki verið meira frá því að mælingar hófust. Traust á háskólanna hefur aukist nokkuð frá því í október á síðasta ári.

( ruv.is ) 

____________ 

ESB nýtur meira trausts en ríkisstjórnin. 

Svolítið kátbrosleg niðurtaða fyrir þá stjórnarherra sem nota flest tækifæri til að tala niður þá stofnun.

Traust hefur aukist til flestra þeirra sem mældir voru.

Helst er að traust til ríkisstjórnar hefur dalað verulega og Alþingi er á niðurleið í átt til þess sem verst var fyrir nokkru. 

Ríkisstjórnin úr 23% niður í rúmlega 17% á einu ári.

Það er ljóst að ríkisstjórnin er á brauðfótum og álit landsmanna hríðfellur.

Í reynd ekki undarlegt því stjórnarherrarnir efna til átaka við flesta nema ef til vill þá sem mest eiga og LÍÚ.´

Ástandið er stórhættulegt og þegar verklaus ríkisstjórn stefnir þjóðfélaginu í átök og óeiningu er kominn tími á að hún víki.

Gera alþingismenn sér grein fyrir hvað ástandið er að verða hættulegt ? 

 

 

 

Athugasemdir

[Anna Sigríður Guðmundsdóttir, 29.10.2014 kl. 23:50]

Eigendur dómsstólanna á Íslandi halda uppi ólögum og óreglu. Hvað er þá hægt að gera?

M.b.kv.