Engisprettuplágan í stjórnarráðinu.

Kæri Illugi

Í fjárlagafrumvarpi ársins 2015 er gert ráð fyrir að 916 einstaklingum verði sparkað úr framhaldsskólunum. 916 einstaklingar sem að vilja mennta sig í framhaldsskólum en fá það ekki vegna aldurs. Þú hefur sagt að framhaldsskólinn á að vera ungmennaskóli og á þess vegna að henda framtíð 916 einstaklinga út á gaddinn? Litið hefur þú til frænda okkar á norðurlöndunum en þar eru sérstök úrræði fyrir eldri nemendur.

 http://www.visir.is/kaeri-illugi/article/2014141029951

( visir.is )

Ríkisstjórn Íslands með fjármálaráðherra í broddi fylkingar skilur eftir sig sviðna jörð nema hjá auðmönnum og sérstökum vildarvinum.

Fjárlagafrumvarpið er eitt versta plagg sem nokkru sinni hefur ratað inn á Alþingi Íslendinga.

Samtök launamanna hafa lýst skoðun sinni og hætt við að þjóðfélagið logi í átökum ef fjármálaráðherra, með stuðningi Framsóknarmanna haldur sínu striki. 

Sama hvert litið er þá er fólk í áfalli yfir þeim boðskap sem þar má lesa.

Framhaldskólarnir eru skornir niður og 1000 nemendum er kastað frá námi.

Menntamálaráðherra virðist bara sáttur við stöðu mála.

Um það er fjallað á visir.is og hlekkurinn hér að ofan vísar leiðina að því.

Þessi ríkisstjórn er ígildi engisprettuplágu þegar horft er til menntamála, félags og heilbrigðismála.