Skuldaleiðrétting Framsóknar í hægagangi.

Tryggvi Þór Herbertsson verkefnisstjóri höfuðstólslækkunarinnar, sagði í fréttum RÚV í lok síðasta mánaðar að um miðjan október ættu flestir að geta séð hvað leiðréttingin verði mikil hjá þeim.

Tryggvi sagði í samtali við fréttastofu í morgun að hægt yrði að svara því á fimmtudaginn hvenær menn geti séð umfang leiðréttingarinnar. Eftirgrennslan fréttstofu hefur leitt í ljós að enginn treystir sér til að segja til um það nú hvenær niðurstaða leiðréttingarinnar liggur fyrir, þó að stefnt sé að því bráðlega. Aðgerðin hafi reynst flóknari en gert var ráð fyrir.

 http://www.ruv.is/frett/leidretting-liggur-ekki-fyrir

( ruv.is )

Enn dregst að þeir sem eiga von á skuldaleiðréttingu komist að því hvort og hvað mikið þeir fá leiðrétt næstu fjögur árin.

Tryggvi Þór sagði borubrattur frá því að þetta yrði ljóst um miðjan október.

Það hefur nú brugðist, uppgefni ástæða, aðgerðin er flóknari en gert var ráð fyrir.

Samkvæmt því hefur það ekki verið greint eða skoðað mjög nákvæmlega hvað þetta þýddi og undirstrikar enn einu sinni hversu vanhugsað og illa undirbúið þetta ferli var allt saman.

Nú er fjármálaráðherra að leggja fram frumvarp sem á að tryggja það með afgerandi hætti að engir sem eitthvað hafa fengið fái þessar leiðréttingu, í það minnsta skerta í samræmi við það sem þeir hafa áður fengið.

Það alveg kristaltært í mínum huga að það munu margir fá langt undir væntingum og enn fleiri munu ekki fá nokkra leiðréttingu.

Stóra kosningaloforð Framsóknar upp á 300 milljarða er að verða að smávægilegum leiðréttingum þeirra sem síst þurfa á því að halda og greidd af skattgreiðendum.

Engir hrægammar í augsýn í þessu máli. 

Athugasemdir

[Ásmundur (IP-tala skráð) 14.10.2014 kl. 15:16]

Ef á annað borð verður um einhverja leiðréttingu að ræða (um það eru fyrirvarar í lögunum) þá munar flesta mjög lítið um hana.

Reiknað er með að mellækkunin sé 1,100.000 sem gefur um örfá þúsund kr í lækkun á greiðslubyrði á mánuði eða um það bil sem svarar verði á tveim pizzum. Þetta er meðaltalið svo að ljóst er að flestir fá minna jafnvel miklu minna.

Flestir þeirra sem fá miklu meiri leiðréttingu er hátekju- og stóreignafólk sem hefur enga þörf fyrir lækkun og bjóst alls ekki við henni.  Þeir og margir aðrir hafa jafnvel hagnast á sínum lánum og því ekki orðið fyrir neinum forsendubresti.

Markvís aðgerð hefði kostað miklu minna, komið að meira gagni og átt rétt á sér. Hér er hins vegar að mestu verið að sóa fé sem hefði nægt til að byggja nýjan spítala.

[Ásmundur (IP-tala skráð) 14.10.2014 kl. 15:18]

meðallækkunin á þetta að vera