KS og kaupfélagsstjórinn - Skora á Kastljós að skoða ferilinn.

 

Stjórnendur Kastljóss hafa staðið sig frábærlega að skoða mál og stunda rannsóknarblaðamennsku.

Það er því afar mikilvægt að þeir taki málefni Kaupfélags Skagfirðinga og gjörninga lykilmanna í því á viðskiptamarkaði.

 "Ólafur Magnússon, fyrrverandi eigandi Mjólku, segir Þórólf Gíslason, forstjóra Kaupfélags Skagfirðinga, hafa stöðvað í fæðingu bankalán frá Landsbankanum sem hann var að reyna að tryggja Mjólku síðla árs 2009. Þá var Kaupfélag Skagfirðinga búið að gera formlegt kauptilboð í Mjólku sem Ólafur var búinn að hafna. „Það er Þórólfur sem á frumkvæði að því að reyna að eignast fyrirtækið og fer að bera víurnar í það. Ég sagði alltaf að þetta væri ekki til sölu,“ segir Ólafur. "

( dv.is ) 

Í framhaldi af umræðu um MS og meinta misnotkun á markaði er full ástæða til að skoða mál ofan í kjölinn.

Það fer ekki framhjá nokkrum manni að mjög oft koma nöfn KS og kaupfélagsstjórans upp þegar rætt er um vafasama gjörninga á einokunarmarkaði.

Það væri því afar fróðlegt að sjá alvöru rannsókn á sögu þessu tengdu og ekki síður tengsl þessara aðila við Framsóknarflokkinn.

Íslenskur viðskiptamarkaður er rannsóknarefni í heild sinni og það má leiða að því líkum að hagsmunir neytenda séu fyrir borð bornir í mörgum tilfellum.

Mig langar því að skora á þá Kastljóssmenn að taka þetta til nákvæmar skoðunar og fræða landsmenn á því hvað þarna hefur verið um að vera og hvað er í gangi þarna núna.

Það væri öllum til góðs að upplýsa það. 

Athugasemdir

[Landfari, 27.9.2014 kl. 08:43]

Jæja Jón minn. Þar kom að því að við urðum sammála :)