Sjálfstæðisflokkurinn gaf auðmönnum nýjan Landspítala.

Ekki kemur til greina að ráðast í byggingu nýs Landspítala ef það hefur í för með sér hallarekstur á ríkissjóði. Þetta sagði Bjarni Benediktsson, fjármála- og efnahagsráðherra, í fyrirspurnartíma á Alþingi í morgun. Þar var hann spurður út í byggingu nýs spítala.

_______________

Þá liggur það fyrir.

Sjálfstæðisflokkurinn hefur afsalað ríkissjóði tekum að veiðigjöldum og með niðurfellingu auðlegðarskatts.

Með því hefur hann rýrt tekjur ríkissjóðs það mikið að ekki kemur til greina að hefjast handa við að byggja nýjan Landspítala.

Á meðan byggja menn gámasamstæður fyrir utan gamla spítalann og eyða í það 150 milljónum.

Það er því borðliggjandi - Sjálfstæðisflokkurinn hefur gefið auðmönnum nýjan Landspítala.

Óréttlát fjármálastefna Sjálfstæðisflokksins er að kosta landsmenn mikið, hverjir kjósa eiginlega svona fólk til valda ?