Skítsama um neytendur.

„Af hverju kveink­ar for­stjóri eins stærsta smá­sölu­fyr­ir­tæk­is á Íslandi sér und­an rekstr­ar­um­hverf­inu?“ spyr Sindri Sig­ur­geirs­son, formaður Bænda­sam­taka Íslands, í aðsendri grein í blaðinu í dag.

________________

Formanni Bændasamtakana sem lifir og hrærist í styrkjakerfi þar sem honum eru tryggðir milljarðar af skattfé landsmanna hæðist að forstjóra fyrirtækis sem kveinkar sér undan háu verði á landbúnaðarvörum.

Af þessu skrifum að dæma er þessu ágæta formanni Bændasamtakana skítsama um neytendur sem ekki bara greiða honum milljarða úr ríkissjóði heldur verða síðan að mæta í verslun og kaupa hvert kjötkíló á þúsundir króna.

Þessum ágæta formanni færi betur að hugleiða stöðu neytenda í kerfinu hans þar sem honum eru tryggðir milljarðar af skattfé og tollamúrar og innflutningsbönn hamla samkeppni.

Fórnarlambið er ekki smásölufyriræki heldur fjölskyldurnar í landinu sem greiða himinhátt vöruverð auk þess sem skattarnir þeirra eru notaði til að tryggja formanninum peninga.

Koma þessum samtökum aldrei í hug að þetta kerfi sé fullkomlega óeðlilegt ? 

Hjákátlegt að forstjóri Haga kveinki sér

Athugasemdir

[Högni Elfar Gylfason, 13.9.2014 kl. 12:12]

Sæll Jón Ingi.

Auðvitað væri best að leggja niður alla styrki til atvinnuveganna hér á Íslandi, þ.e.a.s. um leið og slíkt hið sama yrði gert í öðrum öllum öðrum löndum því eins og þú hlýtur að vita viðgangast t.a.m. landbúnaðarstyrkir í flestum ef ekki öllum löndum heims. Ef stuðningur við landbúnað yrði eingöngu lagður af á Íslandi, yrði þá að minnsta kosti að banna allan innflutning landbúnaðarvara sem væru í samkeppni við þær íslensku því varla þætti þér eðlilegt að íslendingar væru að þiggja niðurgreiðslur á mat erlendis frá og banna slíkt hér heima á sama tíma.

En mér þætti fróðlegt að vita hvort þér þyki eðlilegt að stórfyrirtæki á borð við Haga græði milljarða vinstri og hægri og hafi um leið toppana sína á ofurlaunum og kenni svo alltaf öðrum en sjálfum sér um hvað varan kostar. Verslunin hefur nefnilega frjálsar hendur í álagningu á vörur og miðað við uppgefinn hagnað og ofurlaun væri þeim í lófa lagið að lækka vöruverð.

Góðar stundir :-)