Raflínur í jörðu - stórt framfaraskref.

Tekið verður tilit til umhverfisáhrifa við lagningu raflína á náttúruverndarsvæðum, við flugvelli og víðar samkvæmt drögum að þingsályktunartillögu sem birt hefur verið á vef atvinnuvega- og nýsköpunarráðueytisins.

Sérstakar aðstæður geta réttlætt að jarðstrengur sé valinn þó hann sé dýrari kostur.

( ruv.is ) 

Það hefur kviknað ljós í ráðuneyti og vonandi Alþingi.

Opnað er á að raflínur fari í jörðu þar sem sérstakar aðstæður eru, t.d á náttúruverndarsvæðum og við flugvelli. Jafn sjálfsagt er að það sjónarmið gildi um útivistarsvæði þar sem sem fólk safnast saman.

Þetta er gjörbreyting fyrir Akureyri og Eyjafjarðarsveit til framtíðar.

Þetta þýðir að fyrirhuguð 220 kv lína sem leggja á frá Kífsá að Bíldsárskarði fer í jörðu.

Það þýðir að fyrirhugaður fólkvangur á Glerárdal verður línulaus eins og samþykkt var í greinargerð deiliskipulags fyrir dalinn.

Það þýðir líka að Eyjafjarðarsveit verður ekki þveruð með þeirri sömu línu.

Það mun líka tryggja að skilaboð í deiliskipulaginu fyrir Hamra og Kjarnaskóg um að raflínur þar hverfi fyrir 2020 verði að veruleika.

Þetta verður mikið framfaraskref í umræðu og framkvæmd orkumála á Íslandi.