Einokunarrisar stjórna stjórnvöldum.

Tillaga Ragnheiðar Elínar Árnadóttur, iðnaðar- og viðskiptaráðherra, að nýjum raforkulögum getur varpað milljarðakostnaði vegna lagningar raflína í hendur sveitarfélaga. Ef flutningslínu er valinn annar staður eða önnur útfærsla en sú sem Landsnet telur réttasta er heimilt að krefja þann sem óskar slíkrar breytingar um kostnaðarmuninn leiði útfærslan til aukins kostnaðar.

 http://www.visir.is/sveitarfelog-greida-sjalf-fyrir-raflinur-i-jord/article/2014707119969

 

____________

Landsnet er í eigu ríkisins, einokunarfyrirtæki sem stofnað var út úr RARIK á sínum tíma. 

Þetta fyrirtæki hefur farið sínu fram og fæstir ná að verjast yfirgangi þess sem oft er í formi yfirtöku lands og réttinda.

Nú á enn frekar að styrkja stöðu stofnunarinnar með að varpa ábyrgð yfir á sveitarfélög sem vilja verja rétt sinn í umhverfismálum í takt við nútímann.

Landsnet hefur uppálagt ríkisstjórn að sjá til þess að þeir og ríkið beri ekki kostnað af nútímavæðingu í línumálum landsins.

Hugsun sem þessi veldur manni vonbrigðum, nútíma hugsun í umhverfismálum hefur ekki náð fótfestu á Íslandi.

En sama hvort verður, eru það ekki alltaf neytendur sem greiða fyrir útlagðan kostað í vöruverði, þessu tilfelli raforku ?

Þessi tillaga gerir ráð fyrir að stórnotendur ( álrisar og fleiri ) sleppi við þennan kostnað og honum velt yfir á íbúa sveitarfélaganna.

Er það heilbrigð hugsun ?