Að kjósa út í bláinn.

http://www.visir.is/forstjori-haga-furdar-sig-a-ummaelum-sigrunar/article/2014140709493

Þingflokksformaður Framsóknar sagði það sem flokkurinn hefur aldrei viljað viðurkenna, landbúnaðarstefna hans er forsjár og hagsmunastefna, sem reyndar allir hafa vitað.

Kjósendur hafa aftur og aftur lent í að kjósa út í bláinn við það að setja x við B.

Flokkurinn er snillingur í að setja upp kosningaprógram sem kjósendur falla fyrir.

En það er með kjósendur eins og litlu lömbin, þau muna aldrei milli ára að þau fara á sláturhúsið.

Þetta gerir það að verkum að kjósendur vakna upp daginn eftir kosningar og við þeim blasir allt annar veruleiki en þeir töldu sig vera að kjósa.

Eins og ég sagði áður, það er ákveðin snilld að geta gert þetta aftur og aftur og hluti kjósenda bítur á agnið.

Nú er flokkurinn kominn í 12% fylgi og sami þingflokksformaður stærir sig af að þetta sé nú ekkert að marka, flokkurinn muni hífa sig upp aftur fyrir næstu kosningar.

Sennilega er þetta rétt hjá henni, nú þegar styttist í að kjörtímabilið verði hálfnað þá setjast spunameistararnir niður og velta fyrir sér hvaða bita kjósendur muni gleypa næst.

Skiptir þá engu máli hvort hann er ætur eða ekki, bara að hann selji.

Og svo mætir einhver prósenta kjósenda og kýs út í bláinn og halda við völd flokki sem lítur á kosningaloforð sem söluvöru og verkfæri til að tryggja völd sín.