Skemmtilega Akureyri.

https://www.facebook.com/xsakureyri

 

Kosningabaráttunni er lokið, Samfylkingin á Akureyri náði vopnum sínum eftir slæmt gengi 2010 þegar hún fékk rassskell eins og allir hinir gömlu flokkarnir á Akureyri.

Undirritaður hafði hugsað sér að draga sig út úr bæjarmálastjórnmálum og var þar af leiðandi ekki með í kosningabaráttunni 2010.

En þegar leið á kjörtímabilið þá kom ég til baka og tók þátt í starfinu á ný og tók sæti í nefndum, fyrst framkvæmdaráði og fasteignum sem áheyrnarfulltrúi og síðan sem aðalmaður í umverfisnefndinni enn á ný.

Í framhaldinu ákvað ég að vera með og taka sæti á lista 2014, án þess þó að sækjast eftir að vera í forustusveitinni. Sæti 15 er góður staður til að geyma gamla hunda í  þessum bransa.

Strax var ákveðið að reka þessa kosningabaráttu á jákvæðum nótum, vera með vandaða og útfærða stefnuskrá og gera framboðið sýnilegt á allra handa máta.

Í stuttu máli, þá gekk allt upp og kjósendur veittu Samfylkingunni brautargengi á ný, fylgið fór úr 9.8% árið 2010 í 17.5% 2014.

Dágóður árangur það.

Nú á Samfylkingin í meirihlutaviðræðum og þær ganga vel enda fátt sem ber á milli þegar stefnuskrár S-L og B lista eru skoðaðar. 

Kosningabaráttan núna var óhemju skemmtileg og gefandi.   Einkunnarorðin " Gerum Akureyri skemmtilegri " kristallaðist í vinnunni, hvert sem litið var blöstu við brosandi og áhugasöm andlit, allir með, allir að taka þátt.

Grill út um allan bæ, te og krydd úr Hrísey, súpa á laugardögum, vinnustaðaheimsóknir, allt var þetta innlegg í að kynna stefnuskrá sem samin var í góðu samráði og mikilli yfirlegu. 

Eiðsvallarhátíðin á föstudaginn toppaði kosningabaráttuna ásamt samkomu fyrir eldri þar sem Helena Eyjólfsdóttir fór á kostum.

 https://www.facebook.com/media/set/?set=a.894280350599089.1073741832.107244002636065&type=1

 

 https://www.facebook.com/media/set/?set=a.893494150677709.1073741831.107244002636065&type=1

Þessi kosningabarátta var afar skemmtileg, niðurstaðan fín og Samfylkingin hefur náð fyrri stöðu á Akureyri.

Ég vil þakka öllum félögum mínum í Samfylkingunni á Akureyri.fyrir skemmtilega og gefandi samveru síðustu vikur og mánuði.

Mikil törn, en núna er vinnan að hefjast.

Gleðilegt sumar.