Gullgrafaraæðið á Íslandi.

Hætta er á offjárfestingu í hótelum, ekki síst hótelum í ódýrari kantinum þar sem hagnaður af hverjum gesti er lítill.

Sveinn Agnarsson, dósent við Háskóla Íslands, lýsir yfir áhyggjum af þessu í samtali við Morgunblaðið í dag og bendir á að ekki sé sjálfgefið að ævintýralegur vöxtur síðustu ára haldi áfram á næstu árum.

________________

Hversu oft hefur maður ekki séð svona þróun á Íslandi. Loðdýrarækt, fiskeldi, síldarævintýrið, og margt annað hefur rekið á fjörur landsmanna.

Það liggur í þjóðarsálinni að því er virðist, að hópast í ýmirkonar gróðaverkefni sem oftast enda með skelfingu.

Nú er það ferðamaðurinn sem er verkefnið, allir ætla að græða á ferðamanninum.

Hótelin spretta upp eins og gorkúlur, gróðamenn byggja girðingar og setja upp mannskap og posa við vinsæla ferðamannastaði. 

Áramótaskaupið fór mjög nærri lagi með þjóðarsálina þegar túlkuð voru viðhorf okkar til ferðamannsins. 

Ferðamannastraumurinn til Íslands er vaxandi og er orðinn mjög mikill. Það er alls ekki ávísun á að svo verði áfram þó svo verið sé að spá því af virtum stofnunum.

Val ferðamanna á áfangastöðum er háð tískusveiflun og verðlagi.

Ísland er inn núna með sína veiku krónu og lítt snortnu náttúru.

Það er engin trygging fyrir að gjaldmiðillinn verði áfram hagstæður.

Tilhneyging okkar að okra til að ná skjótfengum gróða er þekkt vandamál. Erlendir ferðamenn eru ekki mikið fyrir slíka gestrisni.

Virðingarleysi okkar fyrir náttúru landsins og ýktar hugmyndir um virkjanir geta breytt ásýnd og viðhorfi ferðamanna til Íslands, og þar með gæti draumurinn hrunið.

Gróði af ferðamönnum til langrar framtíðar er ekki í hendi, hann gæti horfið jafn skyndilega eins og hann kom, og þar með er draumurinn búinn.

Við sitjum enn og aftur eftir með sárt ennið eins og oft áður þegar ofsagróði var markmiðið og gullkálfurinn hvarf á braut.

 

Varað við offramboði á hótelum

Athugasemdir

[Elín Sigurðardóttir (IP-tala skráð) 16.4.2014 kl. 11:44]

Nú er veisla. Náttúran er útskitin og fótum troðin. Þeir sem biðja um klink til að fjármagna tiltekt eru úthrópaðir gróðapungar af partýhöldurum.

[Jón Ingi Cæsarsson, 16.4.2014 kl. 11:53]

Það vantar fjármagn í málaflokkinn en það þýðir ekki að megi ræna ferðamenn án dóms og laga Elín.

[Elín Sigurðardóttir (IP-tala skráð) 16.4.2014 kl. 12:01]

http://www.visir.is/gjaldtaka-stangast-ekki-a-vid-ferdafrelsi-almennings/article/2014702279975

[Bjarni Gunnlaugur (IP-tala skráð) 16.4.2014 kl. 15:36]

Nú eru "náttúruverndarsinnarnir" komnir í hlutverk sauðkindarinnar og vilja ótakmarkaðan rétt til "ofbeitar":

 " Áform um náttúrupassa sem og gjaldtöku við einstaka staði vega stórlega að almannarétti um frjálsa för um óræktað land, segir í sameiginlegri yfirlýsingu fimm samtaka náttúruverndar- og ferðafélaga.

Samtökin vara við hugmyndum um að girða af náttúruperlur í þeim tilgangi að taka gjald af svæðum, og hefta þannig för almennings, segir í yfirlýsingunni, sem er frá Landvernd, Ferðafélagi Íslands, Ferðaklúbbnum 4x4, Samtökum útivistarfélaga (SAMÚT) og Útivist.

Samtökin vara við hugmyndum um að girða af náttúruperlur í þeim tilgangi að taka gjald af svæðum, og hefta þannig för almennings, segir í yfirlýsingunni, sem er frá Landvernd, Ferðafélagi Íslands, Ferðaklúbbnum 4x4, Samtökum útivistarfélaga (SAMÚT) og Útivist."

Það er greinilega ekki sama á hvaða hátt eða af hverjum landið er ofnýtt ;-)