Bjarni 4,3% Sigmundur 7,6%.

 

Formenn stjórnarflokkanna eru rúnir öllu trausti.

Sigmundur "styrkjaveitir" er með 7,6% mikið traust og botninum nær Bjarni Benediktsson með 4,3 % mikið traust.

Þetta er örugglega met, því enn er dálítið í að þeir hafi verið í embættum sínum í 12 mánuði.

Hvernig má það vera að stjórnmálamönnum takist að hreinsa svona gjörsamlega af sér allt traust á jafn skömmum tíma ?

Svarið í þeirra tilfelli er einfalt, þeir sem segja ekki satt og standa ekki við loforð tapa trausti, þannig er það nú bara.

Í tíu mánuði hafa þeir félagar ekkert gert annað en tala og boða tíðindi sem láta á sér standa.

Afslættir Sigmundar af loforðum eru langt út fyrir það sem kjósendur geta sætt sig við.

Nú hefur SDG dreift framsóknarsilfri til góðvina sinna á kostnað ríkissjóðs, fyrir tilviljun 200 milljónir sem er svipuð upphæð og Bjarni bætti við innheimtu af sjúklingum með legugjaldinu.

Illa farið með skattfé landsmanna í vondu árferði og ekki síður dapurleg stjórnsýsla.

Kannski ætti maður bara að vera undrandi á hvað þessar tölur eru þó háar.