Fjármálaráðherrann - ESB - Evran.

 Fjármálaráðherra fór mikinn í Kryddsíldinni.

Þáttastjórnendur reyndu að fá svör frá ráðherrum stjórnarflokkanna varðandi umsóknarferlið og þá ákvörðun að ( hætta ) aðildarviðræðum.

Það var fátt um svör og þeir vísuðu í starfshópa sem eiga að skila niðurstöðum á næstunni varandi stöðu umsóknarmálanna.

Þeir vildu ekki viðurkenna á sig svik við kjósendur, viðræður væru í gangi, sem þeir reyndar eru einir um að fullyrða.

En það var áhugavert að hlusta á fjármálaráðherra tala niður ESB og sérstaklega evruna, sem var að hans mati óöruggur gjaldmiðill sem ekki væri að treysta á. Það skein í gegn að hann var á þeirri opinberu skoðun að Ísland ætti að halda í krónuna um ókomna framtíð.

Meðan fjármálaráðherrann, þessi með örkrónuna, verðbólguna og ónýta efnahagskerfið talaði niður gjaldmiðil 17 þjóða gekk sú átjánda í myntbandalagið, en Lettland tók upp evru á áramótum.

Bjarni Benediktsson kallaði eftir breytingum fyrir fimm árum, vildi skoða í botn möguleika Íslands í gjaldmiðilsmálum.

En sá Bjarni var lokaður ofan í skúffu og sá Bjarni sem nú talar, talar í anda Framsóknarflokksins, engin framtíðarsýn og aðeins skammtímareddingar.

Það var eiginlega sársaukafullt að heyra skilningsleysið drjúpa af hverju orði þegar hann talaði niður gjaldmiðil tugmiljóna Evrópubúa og hampaði sinni ónýtu flotkrónu. Vont að hafa ráðamenn sem ekki vilja hugsa fram veginn.

Og enn verra að hafa ráðamenn sem taka lýðræðislegan rétt kjósenda að ákveða framtíð sína sjálfir.

       Einu sinni sagði Bjarni þetta.

 

Athugasemdir

[Jón Ingi Cæsarsson, 2.1.2014 kl. 15:26]

http://www.mbl.is/vidskipti/frettir/2014/01/02/atvinnulifid_tekur_vid_ser_a_evrusvaedinu/