Bókhaldsbrellur L - listans.

Gengið frá sölu fráveitukerfis Akureyrar á morgun

Boðaður hefur verið fundur í bæjarráði Akureyrar á morgun, mánudag. Á dagskrá er yfirtaka orkufyrirtækisins Norðurorku á fráveitukerfi bæjarins. Á bæjarstjórnarfundi fyrr í mánuðinum sagði Halla Björk Reynisdóttir formaður bæjarráðs að stefnt væri að því að ganga frá yfirtökunni fyrir áramót.

http://vikudagur.is/vikudagur/nor%C3%B0lenskar-fr%C3%A9ttir/2013/12/29/gengi%C3%B0-fr%C3%A1-s%C3%B6lu-fr%C3%A1veitukerfis-akureyrar-%C3%A1-morgun

L-listinn er kominn í leik með tölur.

Bókhaldbrellur voru þekktar fyrir hrun. Þá stunduðu bankarnir þann ljóta leik að selja sjálfum sér fram og til baka til að fegra stöðuna á völdum stöðum.

Nú hefur bæjarsjóður verið rekinn tvö ár með verulegum halla og stefnir í þriðja árið í röð núna.

L-listinn hefur því ákveðið að fara í bókhaldtrix og selja Norðurorku fráveitukerfi bæjarins.

Ódýr leikur að tölum og svolítið kátbroslegur því nýlega yfirtók framkvæmdamiðstöðin gatnalýsinguna frá Noðurorku.

Akureyringar eiga Norðurorku. Það er verið að færa peninga á milli vasa til að fegra stöðu L-listans á kosningaári.

Fjármálastjórn þeirra hefur ekki gengið upp og nú skal snyrta ásýnd listans með sýndargjörningi.

Ef það er rétt sem komið hefur fram að þetta muni síðan kosta bæjarsjóð meira en 100 milljónir í söluhagnað þá er þetta hreinlega galið.

Bæjarbúar urðu eins og aðrir landsmenn vitni að bókhaldtrixum bankanna fyrir hrun og nú fá þeir að sjá slíkt í praxís hjá L-listanum.

Boðaður hefur verið fundur í bæjarráði í dag og haft fyrir satt að þeim neyðarfundi sé ætlað að fullnusta þennan gjörning.

L-listinn virðist skammst sín fyrir að reka bæjarsjóð með hálfsmilljarðs halla á þessu ári og ætla sér með þessu að slá ryki í augu bæjarbúa...

er það ekki svolítið ódýrt ? eða kannski rándýrt þegar upp verður staðið.

Kannski tengist þetta að einhverju leiti viðsnúningi semioddvita listans í málefnum Glerárdals ?

Hver veit ?