Bless - Bless.

Forstjóri Century Aluminium sagði á fundi með Bank of America að álver í Helguvík yrði ekki byggt við núverandi aðstæður.

Michael A. Bless, forstjóri Century Aluminium, segist tilbúinn að líta á fjárfestingu fyrirtækisins í álveri í Helguvík sem sokkinn kostnað.

Málflutningur hans á kynningarfundi í Bank of America Merrill Lynch með greiningaraðilum 10. desember síðastliðinn bendir til þess að hann telur litlar líkur á að álverið rísi.

Samkvæmt endurriti af fundinum, sem Viðskiptablaðið hefur undir höndum, segir hann ekki gengið lengra nema arðsemin fyrir hluthafa Century verði einstaklega góð. Hann segir orkuverðið sem HS Orka og Orkuveita Reykjavíkur bjóða óásættanlegt.

Viðskiptablaðið.

_________________

Núverandi iðnaðarráðherra þreyttist ekki á því að kenna vondum vinstri mönnum um að álverið í Helguvík væri strand.

Hún lagði pólitískan heiður sinn nánast að veði þegar hún fullyrti að þessu yrði borgið undir hennar stjórn að loknum kosningum.

Nú segir Bless forstjóri bless við iðnaðarráðherra og það á fundi á æðstu stöðum.

Þar með verður Suðurnesjamönnum fulljóst hvað innhaldsleysi boðskaps núverandi iðnaðarráðherra fyrir kosningar var algjört.

Það er þetta með kosningaloforð núverandi stjórnarflokka og síðan efndir eða efndaleysi.

Það er að verða efni í heila bók.