Svik á heimsmælikvarða ? Vonandi ekki.

SDG fyrir kosningar.

SDG talaði um skuldaleiðréttingu á heimsmælikvarða.

SDG talaði um að bæta skuldastöðu allra heimilanna í landinu.

SDG talaði um að hræggamsjóðir og vogunarsjóðir borguðu brúsann.

SDG fullyrti að ríkisstjóður muni í engu blæða fyrir þessar leiðréttingar. 

__________________

Tillögur ríkisstjórnarinnar hafa ekki litið dagsins ljós en ljóst að það er í fæðingu eitthvað allt annað en áður var talað um. 

SDG eftir kosningar. 

SDG talar um breytingar á skattakerfinu, þar kemur ríkissjóður væntanlega inn í myndina.

SDG nú talar um upprisu millistéttarinnar ( hverjir sem það nú eru ) enn ekki öll heimili landsins. 

SDG talar um þá sem varlega fóru.

SDG talar um þá sem stóðu í skilum.

SDG segir " Við munum ekki leysa skuldavanda allra. Þetta er réttlætisaðgerð; þetta er jafnræðisaðgerð; þetta er er efnahagsleg aðgerð."

___________________

Öllum má vera ljóst að það sem boðað er í þessari ræðu SDG er eitthvað allt annað en lagt var upp með.

Skattabreytingar hljóta að þýða að ríkissjóður verður af tekjum og annað hvort þýðir það enn frekari niðurskurð eða seðlaprentun.

Nú er maður aðeins farinn að sjá hvað að er sem truflar fjármálamenn í Seðlabankanum. Seðlaprentun veldur aðeins aukinni verðbólgu með tileyrandi tapi fyrir alla, líka millistéttina sem Framsóknarflokkurinn hefur valið sérstaklega til að njóta þess sem eftir er af kosningaloforðinu þeirra.

Ég vona að þetta sé ekki eins slæmt og það virðist ætla að vera ef marka má forsætisráðherra. Hann reyndar talar í anda véfréttarinnar í Delfí þannig að ekki er alveg gott að festa fingur á því sem hann er að fara.

En þetta gefur heimilunum í landinu takmarkaða von um úrbætur, nema þá kannski fáeinum. 

Skuldalækkun með skattabreytingum

Athugasemdir

[kristinn geir steindórsson briem (IP-tala skráð) 24.11.2013 kl. 12:31]

smá leðréttíng.1. rétt 2. ekki alldra heldur bara þeira sem lentu í óeðlilegri hækkun. 3 rétt. 4.hver er munur á seðlabanka og riki.

[Guðjón Sigþór Jensson, 24.11.2013 kl. 16:36]

Og svo kennir SDG ríkisstjór Jóhönnu um allt sem miður fór. Hún á meira að segja að vera ábyrg fyrir niðurskurði sem ríkisstjórn Davíðs Oddssonar beitti fyrir sér.

Verður næst að kenna ríkisstjórn JS um bankahrunið?

„Sannleikurinn gerir yður frjálsa“ kvað meistari meistaranna og hvatti okkur að leita sannleikans. Nú eru uppi menn sem dásama lygina, útúrsnúningana, hártoganir, blekkingar og ósannsöglina. Skyldi SDG gefa út sínar furðulegu yfirlýsingar með betri vitund? Því trúi eg ekki. Hann virðist gangast upp í að byggja upp vef blekkinga fyrst honum tókst að lofa þjóðinni gulli og grænum skógum.

Fyrrum var talað um „Moggalygina“. Nú getum við farið að tala um „framsóknarlygina“ hans SDG. Syndin er lævís og lipur, rétt eins og blekkingar og yfirlýsingar SDG.