Ekki við því að búast !

Það er ekkert öðruvísi hjá VG en öðrum í þessu þjóðfélagi, það eru alltaf einhverjir aðrir en maður sjálfur sem á að sjá um að framfylgja góðum málum. Það hvarflar ekki að mér að fólk sem er skráð í Vinstri græna líti á það sem skyldu sína að framfylgja stefnu flokksins í umhverfismálum. Ekki sem prívat einstaklingur nota bene, heldur eiga allir aðrir að nota almenningssamgöngur og hjól til að koma sér á milli staða. 

Umhverfisstefna og það að lifa samkvæmt henni verður ekki til í Vinstri grænum þó svo það hafi hentað Steingrími á sínum tíma að klæða persónulegt framapot sitt í grænan búning. Það tókst honum að hluta til en hætt er við að slíkt dugi honum varla mörg ár enn. Sumir aðrir eru að vakna í þessum málaflokki. Árangur í umhverfismálum byggir á hugarfari einstaklingsins fyrst og fremst en ekki flokkum. Það er þetta hugarfar sem þarf að vinna í.

Ég minnist þess ekki að hafa séð Ögmund Jónasson eða Kolbrúnu Halldórsdóttur á hjóli en það getur vel verið að þau stundi slíkt prívat eða upp á sport. Þau nota það örugglega ekki sem daglegan ferðamáta frekar en 98% Reykvíkinga almennt.

Vinstri grænir eru flokkur sem hafa þá sérstöðu að verða til af því forustumaður þeirra fékk ekki þann frama og aðstöðu sem hann vildi við sameiningu vinstri manna á sínum tíma. Steingrímur J Sigfússon var aldrei umhverfissinni meðan hann var þingmaður Alþýðubandalagsins. Ég minnist ekki að bændasonurinn úr Þistilfirði hefði djúpstæðan áhuga á þeim málaflokki. VG er fyrst og fremst þröngsýnn sócialistaflokkur sem klætt hefur sig í dugargerfi hins græna því það hentaði á sinum tíma. Það hefur þó orðið til þess að flýta umræðu um slíkt og nú hillir undir að menn geti farið að tala um slík mál á öfgalausan hátt án slagorða og innatómra upphrópana. Þannig hafa Vinstri (grænir) hjálpað til við að koma þessum málum á dagskrá þrátt fyrir allt.

Einn á hjóli hjá VG