Enn er Frosti í vandræðum.

„Ég var að reyna að útskýra fyrir fólki að þetta væri almenn aðgerð og ef menn væru búnir að fá einhverjar leiðréttingar, þá kæmi þetta hugsanlega til viðbótar að því marki sem eitthvað vantaði upp á. En hugsunin á bak við þetta var að menn væru í sem jafnastri aðstöðu. Það er að segja, það þýðir líka að hafi menn farið 110 prósent leiðina, þá eigi þeir ekki að gjalda þess sérstaklega.“

( Eyjan.is )

_______________

Frosti Sigurjónsson þingmaður Framsóknarflokksins og formaður efnahags og viðskiptanefndar er í endalausum vandræðum.

Annað hvort talar hann áður en hann hugsar eða hann veit ekki betur.  Hvort er veit líklega enginn.

En hvað með það, það líður varla sá dagur að hann sé ekki að útskýra orð sín og leiðrétta endalausan misskilning annarra.

Satt að segja er maður dálítið óöruggur með þennan þingmann í jafn mikilvægu embætti og formennska í efnahags og viðskiptanefnd er.

Hann er meira að segja að slá Vígdísi Hauksdóttur við í misskilningi og það þarf dálítið til.