Menntamálaráðherra á hálum ís.

Lánasjóður íslenskra námsmanna hefur enn ekki áfrýjað dóminum sem féll í Héraðsdómi föstudaginn 30. ágúst. Samt heldur sjóðurinn áfram að hunsa dóminn og halda þeirri kröfu til streitu að stúdentar þreyti 22 einingar til að eiga kost á láni.

„Okkur fallast hreinlega hendur. Það er ólíðandi að námsmenn þurfi í alvöru að hinkra bara og sjá til,“ segir María Rut Kristinsdóttir, formaður Stúdentaráðs Háskóla Íslands. „Þetta er spurning um framfærslu námsmanna og þess má geta að í gær rann út frestur til að breyta skráningu í námskeið. Margir nemendur hafa leitað til okkar og lýst yfir þungum áhyggjum, enda hafa þeir ekkert fast land undir fótum hvað varðar fjárhagsmálefni sín.“

( dv.is )

Menntamálaráðherra Illugi Gunnarsson og framlenging hans hjá LÍN, Jónas Fr. Jónsson stjórnarformaður eru ekki hátt skrifaðir hjá námsmönnum þessa dagana.

Það er ósköp skiljanlegt og menn furðar hvaðan þeim kemur vald að hunsa dómsniðurstöðu.

Þetta er kannski það sem koma skal gagnvart námsmönnum á Íslandi, ofríki og valdbeiting ?