Vandræði ríkisstjórnarflokkana.

ESB málin eru stjórnarflokkunum erfið.

Hinn afturhaldsami Framsóknarflokkur er að stuða frjálslyndari þingmenn Sjálfstæðisflokksins með alvarlegum hætti.

Bjarni formaður veit varla í hvorn fótinn hann á að stíga, slær úr og í.

Ragnheiður Ríkharðsdóttir er einn þessara frjálslyndari þingmanna en þeir eru nokkrir. Hún lætur hafa eftir sér.

„Þetta mál er að verða frekar vandræðalegt. Í mínum huga er það alveg ljóst að þegar Alþingi ályktar í þingsályktunartillögu um að fela ríkisstjórninni að gera eitthvað, einstökum ráðherra eða ríkisstjórninni í heild sinni, þá hefur löggjafarvaldið falið framkvæmdarvaldinu að vinna að einhverju og framkvæmdarvaldið situr raunverulega í umboði löggjafarvaldsins,“ segir Ragnheiður.

Ragnheiður segir enga ríkisstjórn geta ákveðið að hún þurfi ekki að fara að vilja Alþingis.

Hinn reynslulausi og oft á tíðum kjánalegi utanríkisráðherra fór framúr sér á upphafsdögum sínum í ráðuneytinu og blés af einn og óstuddur ESB viðræðurnar.

Eða svo hélt hann en þau ummæli komi í hausinn á honum eins og bjúgverpill.

Já þetta mál er stjórnarflokkunum erfitt, og nú á eftir að koma í ljós hvort formaður Sjálfstæðisflokksins stígur í framsóknarfótinn eða flokksfótinn.

Reyndar sama í hvorn fótinn hann stígur, málið er vandræðamál fyrir ríkisstjórnina.