Forsætisráðherra bregst málstaðnum.

Obama situr nú kvöldverðarfund með leiðtogum Norðurlandanna í embættisbústað forsætisráðherra Svíþjóðar í Stokkhólmi. Samkvæmt sænska ríkissjónvarpinu lögðu kokkar forsætisráðherra áherslu á að matreiða hefðbundinn sænskan mat fyrir gestina, og að nota fersk, sænsk hráefni.

Kvöldverðurinn er þrírétta og hljómar matseðillinn í heild sinni svo:

Léttreykt bleikja með kavíar, sýrðum rjóma bragðbættum með sítrónu, og grilluðu brioche-brauði.

Dádýrskjöt með svörtum trufflum, týtuberjum, rósakáli, kastaníuhnetum, kantarellum og ofnbökuðum kartöflum.

Frosinn ástaraldinsbúðningur með ferskum hind-, blá- og brómberjum.

_______________________

Ljóst er að forsætisráðherra hefur brugðist málstað ESB andstæðinga og hefur lagt sér til munns hreinræktaða ESB máltíð í ESB landi.

Reikna má með að stjórn Heimssýnar taki málið fyrir á sérstökum fundi strax á morgun.

Þaðan má búast við alvarlegri áminningu og líklegt að komi fram tillaga um að forstætisráðherra verði framvegis nestaður á ferðum sínum á ESB svæðinu.

Líklegt er að í nestisboxinu verði lambakjöt af Austurlandi og siginn fiskur frá Húsavík.

Kartöflurnar verði að sjáfsögðu frá Lómatjörn.

Eitt er víst, svona getur þetta ekki gengið lengur.

Athugasemdir

[Sigurgeir Jónsson, 4.9.2013 kl. 23:04]

Öfundin getur oft hlaupið með menn í gönur.Það fær ekki hver sem er að sitja til borðs með forseta Bandaríkjanna.Hefðbundin sænskur matur var á borðum, eins og komið hefur fram,ekki ESB pizzur.

[Snorri Hansson, 5.9.2013 kl. 02:32]

Hvenær hafa andstæðingar inngöngu í ESB ,verið á móti sænsku hversdags fæði. nam nam

[Jón Ingi Cæsarsson, 5.9.2013 kl. 13:44]

Sigurgeir, ef það hefur farið framhjá þér þá er Svíþjóð í ESB.  

[Eyjólfur G Svavarsson, 5.9.2013 kl. 18:18]

Jón Ingi ertu nú alveg að flippa út, þetta er það heiskulegasta sem ég hef heirt!!!