Formaður Sjálfstæðisflokksins ekki maður orða sinna ?

 

Það er komin óþolinmæði í ákveðinn hóp hægri manna á Íslandi.

Það eru hinir víðsýnni og frjálslyndari og þeir sem vilja brjótast út úr heimóttarskapnum og vistarbandinu.

Þórir Stephensen prestur lætur Bjarna sannarlega heyra það í opnu bréfi.

"  En nú koma framsóknarmenn aftan að ykkur með óvæntar yfirlýsingar og nánast ódrengilegar. Það verður engin þjóðaratkvæðagreiðsla. Menn hafa beðið viðbragða þinna. Samkvæmt fréttamiðlum eru þau svo loðin að vart er hægt að finna þar neitt sem treystandi er á.

Þú stendur þar ekki við þín fyrri orð. Í mínum huga hopar þú á hæli og hugsar meira um að verja völd en hugsjónir."

http://www.visir.is/opid-bref-til-formanns-sjalfstaedisflokksins/article/2013708229931

 

Formaður Sjálfstæðisflokksins er á milli steins og sleggju.

Annarsvegar stendur frjálslyndari hluti Sjálfstæðisflokksins, fólkið sem vill sjá samning og greiða um hann atkvæði.

Hinsvegar eru það harðlínukjarni Sjálfstæðisflokksins og svo samstarfsflokkurinn sem hefur greinilega ákveðið að taka harðlínu á öll samskipti Íslands við umheiminn.

Það er erfitt tveimur herrum að þjóna og formaður Sjálfstæðisflokksins hefur greinilega ákveðið að styggja ekki samstarfsflokkinn og láta hann hafa fullkomið veiðileyfi á utanríkismálin.

Það er þung ásökun fyrir formann Sjálfstæðisflokksins að fá það í andlitið að hann standi ekki við orð sín.

Bjarni hefur verið nokkuð ráðvilltur í erfiðum málum og gengur illa að taka af skarið.

Hann verður að velja milli tveggja vondra kosta í stöðunni og deilunni um ESB málin.

Hann hefur valið verri kostinn af tveimur, mörgum flokksbræðrum til sárrar gremju.

Framtíð hans sem formanns veltur nefnilega ekki á Framsóknarmönnum þess vegna er þetta verri kostur fyrir hann sem stjórnmálamann til lengri tíma.

 

Athugasemdir

[Rafn Guðmundsson, 22.8.2013 kl. 17:26]

hmm - er þörf á spurningarmerki á eftir þessu - "Formaður Sjálfstæðisflokksins ekki maður orða sinna". ekki finnst mér það alla vega

[Jóhann Elíasson, 22.8.2013 kl. 19:17]

Loforð um þjóðaratkvæði var ALDREI gefið, einungis var sagt að viðræðum við ESB yrði ekki haldið áfram ÁN undangenginnar þjóðaratkvæðagreiðslu.  Þeir einu sem sífellt tönnlast á þjóðaratkvæðagreiðslu eru INNLIMUNARSINNAR og er það hulin ráðgáta hvaðan þeir hafa þetta "loforð"??????? Þeir ættu að lesa stjórnarsáttmálann........