Loftbólan Framsókn.

Engar viðræður eru hafnar við kröfuhafa föllnu bankanna. Forsætisráðherra segir að kröfuhafar þurfi að sýna frumkvæði.

Þetta kemur fram í ítarlegu viðtali við Sigmund Davíð Gunnlaugsson, forsætisráðherra, í Kjarnanum sem kom út í fyrsta skipti í dag.

Í viðtalinu er forsætisráðherra meðal annars inntur eftir efndum á kosningaloforði Framsóknarflokksins um skuldaleiðréttingar. Sigmundur Davíð áréttar að það hafi aldrei staðið til að senda ávísun í pósti strax í sumar.

Eyjan.is.

_________________________

Formaður Framsóknarflokksins veifaði bröndum og æpti á torgum.

Peningar verða slitnir út úr hrægömmum og vogunarsjóðum með góðu eða illu, þeir fá að borga.

En það var fyrir kosningar.

Nú veifar formaður Framsóknarflokksins engum bröndum og æpir ekki á torgum..

Hann læðist með veggjum.

• Ég sagði aldrei að ætti að borga í sumar. Það bara heyrði það enginn.
• Kröfuhafar ( vogunarsjóðirnir og hrægammarnir) verða að eiga frumkvæðið.
• Málið verður umdeilt.

Stormurinn og skýjaklakkarnir frá í vor hafa orðið að hvítum gufuhnoðra á haustdögum.

Eftir sitja kjósendur Framsóknarflokksins og hafa það sterkt á tilfinningunni að þeir hafi verið plataðir.

Athugasemdir

[Jósef Smári Ásmundsson, 22.8.2013 kl. 15:32]

"Eftir sitja kjósendur Framsóknarflokksins og hafa það sterkt á tilfinningunni að þeir hafi verið plataðir."Má skilja þetta svo að þú hafir kosið þennan flokk og finnst þú hafa verið plataður?Var ekki bara betra að sitja heima eins og ég og sleppa að kjósa þessa  pólitíska viðrini,Sjálfstæðisflokk,Framsókn,Samfylkingu og Vinstri G?