Hvað er að gerast í ríkisstjórninni ?

Bjarni Benediktsson fjármálaráðherra segir allar aðgerðir sem mynda spennu á vinnumarkaðnum óheppilegar og geti haft alvarlega afleiðingar fyrir þróun efnahagsmála.

 Þörf sé á sameiginlegu átaki margra til að kæla hagkerfið.

http://www.ruv.is/frett/atak-thurfi-til-ad-kaela-hagkerfid

Fjármálaráðherra náði alveg nýjum hæðum í dag.

Fyrir fáeinum mánuðum var íslenskt efnahagslíf botnfrosið og ekkert að gerast að hans sögn.

Það yrði að hleypa Sjálfstæðisflokknum af þannig að hjól efnahagslífsins færi að snúast.

Það átti að lækka skatta til að hleypa lífi í botnfrosið atvinnulífið.

Þetta var frambjóðandinn og formaður Sjálfstæðisflokksins fyrir þremur mánuðum síðan.

Allt í volli hjá þáverandi ríkisstjórn.

Sami maður, Bjarni Benediktsson formaður Sjálfstæðisflokksins tilkynnti landslýð í dag að nú þyrfti að KÆLA hagkerfið.

Kæla hagkerfi sem var botnfrosið að hans sögn, fyrir ársfjórðungi.

Hvernig eigum við að botna í ráðherrum þessar ríkisstjórnar, þeir tala út og suður og eru í engu samhengi við sjálfa sig.

Það er full ástæða til að hafa verulegar áhyggjur af framhaldinu.

Það er augljóst mál að ríkisstjórnin hefur engin tök á landsstjórninni, greinilega að fara á taugum.

Ekki nokkur leið að hafa trú á því að hún ráði við þau verkefni sem framundan eru, hafa stjórn á ríkisfjármálum og efnahagsmálum. Komast skammlaust í gegnum kjarasamninga hvað þá að njóta traust til lengri tíma.

 

 

Athugasemdir

[Guðmundur Ingólfsson, 29.7.2013 kl. 21:22]

Það verður þá alkul í kerfinu þegar BB hefur lokið við að kæla þaðhressilega

[Óðinn Þórisson, 29.7.2013 kl. 21:36]

Fyrrv. stjórnarflokkar töpuðu 28 % - töpuðu 18 þingsætum - ekki beint merki um traustsyfirlýsingu frá þjóðinni.

Engin ný stjórnarskrá, samingur við esb - ekki kláraður - ekki breytingar á fiskveiðistjórnarkerfinu - ömurleg framkoma sf í landsdómsmálinu o.s.frv.

Held að þið vinstri - menn ættuð aðeins að fara að skoða ykkar mál - sf virðist vera í tætlum.

[Jóhannes Laxdal Baldvinsson, 29.7.2013 kl. 22:39]

Það eru 2 hagkerfi hérna Jón.  ætli Bjarni sé ekki að meina neðanjarðarhagkerfið þar sem gjaldeyrinum er öllum stungið undan????

[Sveinn R. Pálsson, 29.7.2013 kl. 23:13]

Þetta er undarleg þversögn hjá ráðherranum. Fyrir kosningar átti að gera allt til að "koma hjólum atvinnulífsins af stað", en núna þarf að kæla niður hagkerfið. Þessir siflurskeiðungar vita ekkert hvert skal stefna.

[Ómar Bjarki Kristjánsson, 30.7.2013 kl. 09:13]

Þetta er einhver vanhæfasta ríkisstjórn í sögu Lýðveldisins. Orð og athafnir stjórnar eru svo í samræmi við vanhæfið. Hvergi nokkursstaðar heil brú í neinu.

[Helgi Jónsson (IP-tala skráð) 30.7.2013 kl. 12:22]

Mikið óskaplega var þetta aumkunarverð athugasemd hjá þér Óðinn sjálfstæðismaður. Var það það eina sem þér datt í hug að telja upp allt það sem sjálfstæðisflokknum tókst að eyðileggja á síðasta þingi fyrir þjóðinni..??, ekki beint uppbyggilegt.

SjálfstæðisFLokknum stendur á sama um allar arðgreiðslur og hækkuð laun hjá ríkisforstjórum, bara að sótsvartur almenningur haldi aftur að sér með launahækkanir, því það verður að KÆLA hagkerfið....þvílíkur andsk. brandari.